Page 45 - flip kpa

http://masnoticia.com/obhecto-na-candela-mira-pabou-di-aruba-ta-di-un-avioneta-ilegal/

Obhecto na candela mira pabou di Aruba ta di un avioneta
ilegal

 Jan 29th, 2015
 Local, splash

Mainta trempan den careda di 6:30 hopi hende a mira un obhecto grandi na candela biniendo for di zuid bayendo
noord. Despues di rato nan a wak con e obhecto aki completamente na candela a cay den lama pabou di Aruba y
turistanan entre Tamarijn y Manchebo Hotel a wak con awa a bay halto. Di biaha autoridadnan a cuminsa busca
informe kico e obhecto aki ta trata, si lo por ta un avionetc. Despues di rato Aeropuerto di Maiquetia na Venezuela a
raporta cu nan a perde un avion riba nan radar ultimo mira pabou di Aruba. For di Curacao nos ta compronde cu
toren nan di Aerouerto di tanto Venezuela y Curacao lo a haci pregunta na e piloot di e avioneta ken e ta y kico e ta
haciendo y esaki no kier a duna informe mes posibelmente ta trata di un avioneta ilegal haciendo movecionnan
ilegal pabou di Aruba. Di biaha a pone autoridanan na altura di e sucedido aki, Kustwacht su stacion na Curacao a
cuminsa saca nan avion y pone polis maritimo di Aruba na altura pa cuminsa bay na unda lo a wak esaki ultimo. Por
a mira un candela grandi ta bula bay noord y bou di esaki algo chikito ta cay. Riba video por tuma nota di esaki. Te
ainda no por duna di conoce ki tipo di avioneta y di unda esaki ta biniendo. Mientras Kuststacion na Curacao a
informa autoridad di Aruba informe cu nan a ricibi di Venezuela unda a mira esaki ultimo riba radar.