Page 10 - Binder2

AWEMainta Diabierna, 13 Maart 2015 3

Minister di Enseñansa di Aruba MINISTER Michelle Hooyboer-Winklaar a forma parti di e
a reuni cu colega di Hulanda
delegacion di Reino Hulandes, encabesa pa Minister di Ense-
ñansa, Cultura y Ciencia Jet Bussemaker, kende a presenta e
posicion di hende muher den Reino recientemente n’e “Head-
quarters” di Nacionan Uni na New York.
Durante e bishita, Minister Hooyboer-Winklaar y Minister Bus-
semaker a reuni riba diferente tema cu ta di importancia pa
ambos Aruba y Hulanda.
A dialoga riba e asunto di reconocimento di diploma di Aruba
na Hulanda y a delibera riba e siguiente pasonan cu Aruba ta
haciendo pa garantisa igualdad di nos diploma.
Minister Bussemaker a reconoce e trabounan haci y e com-
promiso di parti di Aruba y Minister Hooyboer-Winklaar pa
cu esaki.
Tambe a atende e situacion di studiantenan cu ta scoge Hulanda
pa nan estudio superior. E dos Ministernan a papia tambe riba
diferente aspecto di financiamento y guia cu ta necesario pa
nos studiantenan.
E conclusion di ambos mandatario ta cu nan ta comparti e
mesun vision pa loke ta trata enseñansa y e bienestar di nos
studiantenan.
E relacion positivo entre ambos mandatario ta mustra su ben-
taha ya cu a logra yega na acuerdo riba varios area di enseñansa.

Poco pabao di Kazerne di Bombero na Sabana Berde

Accidente su saldo di 7 persona herida

TABATA ayera tardi, a sosode un
accidente un poco pabao di Kazerne
di Bombero na Sabana Berde, cu
a laga un saldo di 7 hende herida,
pero levemente, danki Dios.
T’asina cu un taxi a bay haci un
U-Turn, net e momento cu un otro
auto biniendo cu basta velocidad y
a bay dal den e taxi.
Den e taxi tabatin tata y mama
di Minister dr. Alex Schwengle,
kendenan tabata cu dos nieto cu ta
yiunan di e mandatario.
Den e otro auto tabatin tambe un
tata cu su dos yiunan. Manera men-
ciona den e accidente aki, 7 persona
a keda herida. Polis a yega mesora
y presencia di tres ambulance a ser
pidi mirando e cantidad di hende
herida. Nan tur a ser hiba hospital.
Danki Dios, e daño personal tabata
limita, pero hopi susto si.
Dolor sigur nan tin, pero nada
fractura.
E daño material si ta hopi, pasobra
e impacto tabata basta fuerte. Min-
ister dr. Alex Schwengle personal-
mente a acudi n’e sitio y a duna asis-
tencia te caminda cu e tabata por.
Despues el a subi ambulance tambe
bay Hospital pa compañando su
sernan keri.