Page 109 - Binder2

Dia 12 di maart, laga nos hisa nos glas di awa y brinda pa
salud di nos riñon

Publication: Friday, 13 March 2015. Categoria: General
Mervin Wyatt-Ras:

ORANJESTAD (AAN): Riba dia 12 di maart cu ta dia internacional di riñon mundialmente a
invita tur hende pa bebe awa y pa duna otro awa pa celebra nos riñonnan.
Por bisa cu esaki sigur ta necesario en bista cu un cantidad di persona cu ta diabetico of ta sufri
di hypertensia a lo largo por haya problema cu nan riñon. Tuma tratamento di dialyse 3 biaha pa
siman por ta incomodo pa e patient pero si necesario.
Ta di importancia un lifestile saludable pa por preveni problema cu riñon. Esaki ta ensera come
saludable, movecion y tambe bebe por lo menos 8 glas di awa diariamente.
Hopi biaha nos gusta bebe softdrink. Estudionan a mustra cu bebemento di hopi softdrinks tin
efecto negativo ariba nos riñonnan. Esaki dor cu softdrinks ta hisa e nivel di proteina den e urina
cu ta ser considera como un indicador cu por causa danjo na nos riñonnan.
Pesey mes ta invita pa nos bebe mas awa. Parlamentario Mervin Wyatt-Ras ta trese padilanti cu
mirando gastonan halto di AZV pa loke ta trata dialyse ta di importancia pa previni dor di cuida
nos curpa y nos riñonnan. Esaki ta mas facil en bista cu nos awa ta uno di halto calidad y dushi
pa bebe.
Parlamentarionan awe tambe a bebe awa durante reunion Publico. Segun Wyatt-Ras laga nos
hisa nos glas di awa y brinda pa salud di nos riñonnan pa duna señal cu nos kier proteha nos
salud y di otro.
http://www.diario.aw/2015/03/dia-12-di-maart-laga-nos-hisa-nos-glas-di-awa-y-brinda-pa-salud-di-nos-
rinon/