Page 10 - AM200624

10 AWEMainta Diaranson, 24 Juni 2020

Bishita di Jellyfish den nos lama

DESPUES di un tempo largo di secura y

hopi calor, porfin nos por a disfruta recien
di poco awacero. E tempo no tur dia ta mes-

cos mas y tin dia biento ta cambia. Esaki ta
haci cu e coriente den lama tambe ta varia

cu e consecuencia cu nos por haya bishita di
animalnan inusual den lama.

Directie Natuur en Milieu (DNM) a haya
un notificacion cu tin varios persona y mu-
cha cu a bira victima di un encuentro menos

placentero cu Jellyfish/Kwal.

A pesar cu ningun sorto di Jellyfish/Kwal ta
protegi pa ley, nan ta actualmente presente
den nos awa teritorial y ta yega hopi cerca

di canto na nos playanan en particular.
Loke nos ta experiencia no ta nada mas cu e

temporada cu Jellyfish ta abundante. Esaki
ta nan temporada. E ciclo di bida di e Jel-

lyfish ta hopi peculiar.
E ta aparenta di ta un animal y ora e caba

di reproduci y laga su webonan atras, esaki-
nan ta cay den e tera y ta crece den forma
di un polyp cu ta parce un mata di lama.

Esaki na su turno ta laga varios parti los,
cual un biaha mas ta bira un Jellyfish. Tin

hopi sorto di Jellyfish/Kwal. Tin especie ta
peligroso y otronan no.

Como cu esaki ta casi transparente bou di

awa, nos no ta not’e na tempo y por yega
demasiado cerca cu consecuencia cu e ta de-
fende su mes. Esaki ta pasa pa medio di su

tentakelnan, cu ora nan yega den contacto
cu bo cuero, e ta hinca’bo cu miles di micro-

hangua cu ta contene veneno. E por causa
hopi daño na nos curpa.

Depende di e sorto/especie di Jellyfish/Kwal,
esaki por tin consecuencianan fatal. P’esey

nos ta pidi un y tur pa ta mas cauteloso den
e dianan aki y pa tene cuenta cu ora nos
kier disfruta di un dushi dia na lama, nos

por tin encuentro cu e especienan aki.

Si en caso bo sinti algo straño y of bo cu-
ero cuminsa kima/irita y/of bira cora, sali
for di lama mas liher posibel pa evita mas

encuentro. Si ta necesario acudi na hospital
pa haya tratamento medico.