Page 4 - AM200624

4 AWEMainta Diaranson, 24 Juni 2020

Algo cu a resalta ta cu e pueblo di Aruba no ta mucho na haltura
di su derechonan fundamental (grondrechten). Tin ta bisa cu ta
pasobra e educacion general di nos pueblo ta hopi abou, y pesey
tambe por wordo manipula facil dor di iglesianan, dokternan

falso y no lubida Gobierno y politiconan entre otro.
+++++++++++++++++
Usando e ley di calamidad via un ministeriele regeling
Gobierno a bin cu un hala di medida pa kita parti di derechonan
ey p’e situacion di crisis causa pa Covid 19. Y esaki a wordo
haci mundialmente. Pero esnan cu a sigi noticia internacional
por a lesa cu te hasta Nacionnan Uni a hala atencion di varios
pais pa no abusa di esaki. Paisnan no democratico a usa e crisis
pa haci nan grip riba e pueblo mas grandi.

++++++++++++++++++++
Na Aruba e regla cu bo no por ta den bo cura di cas durante
TdQ hopi a wak como un abuso di poder di Gobierno. Y ta bon
e Decano Ordo di Abogado a hala atencion di Gobierno, pero
hopi lat.
+++++++++++++++++++
No ta pornada cu cada tres dia mester verleng e M.R. husto,

pasobra e ley a wordo traha pa por haci posibel pa kita derecho
di ciudadanon no mas cu 72 ora cu lo por wordo extende.
Pero e ley no tabata previsto pa haci tal pa lunas largo. Pero
TdQ a wordo impone na hopi pais obligatoriamente pa hopi
tempo aunke den algun pais pueblo a subi caya protesta. Ta di
menciona cu na Hulanda no a usa TdQ y toch a flatten the curve
.
++++++++++++++++++++
Pesey ta di lamenta cu ainda tin hende cu lo kier sigi cu TdQ cu

lo t’esnan cu no sa di nan derechonan fundamental. Te hasta nos
Comisario interino di Polis a vocifera su mes den tal direccion
como un advertencia.
++++++++++++++++++++
Loke pueblo kier sa awor ken ta bay paga e tres cumindanan
diario cu e 400 hendenan cu mester wordo sera pa 20 dia lo
mester haña den KIA.