Page 18 - DIARIO

PAGINA 18 DIARIO DIAHUEBS 13 AUGUSTUS 2015

AVIANCA a pone
vuelo extra mainta:

Problema den
toren di control
a crea disgusto

cerca varios
pasahero local y

internacional

ORANJESTAD (AAN) --
Ciertamente tin cosnan cu ta
sosode diripiente y cu no por
wordo preveni facilmente,
no obstante nan por trece
consecuencianan masha
fastioso mes.Esey ta e caso di
e faya cu a surgi diamars den
e toren di control na Aruba.
Den e caso aki por papia di e
pasaheronan cu mester a yega
Aruba diamars den e vuelo
di Avianca Bogota-Aruba,
cu tabata completamente
yen, tanto cu viaheronan
internacional cu mester a haci
transito na Aruba, como esnan
turista biniendoAruba, y hende
local.Na momento cu a avisa
cu mester a cancela e vuelo,
mesora AVIANCA a busca
alohamento cu alimentacion
y desayuno pa su mainta
siguiente, den un hotel cerca
di aeropuerto na Bogota.
No obstante, tin pasaheronan cu
no por a haya nan maleta unda
nan tabata tin medicamentonan
cu nan mester tuma tur dia, y
cu no por a adkiri tampoco den
botica na Bogota, sin receta
medico. Esaki a trece hopi
tension cerca e personanan
concerni. Diaranzon nan a
pone un vuelo extra pa 11.30 or
di mainta, pero pa motibonan
fuera di alcance e sistema
mes a saca algun nomber di
pasahero afo cu mester a keda
stand by. E vuelo aki tabata
mas tanto pensando riba e
pasaheronan cu mester a haci
transito, y turistanan cu a paga
nan all inclusive pa Aruba cu
hopi anticipacion, y cu tabata
desapunta cu nan por a perde
un dia di nan estadia riba nos
dushi isla. Otro pasaheronan
a wordo ubica den e vuelo
regular di atardi. Sinembargo,
no tur hende local cu a keda
sin lugar den e avion por a
warda te atardi: un par tabata
sinti nan curpa malo, y ademas
mester a yega na tempo pa
bay traha. AVIANCA a haci
tur su esfuerzo, locual ta di
aprecia, y a haci un oferta na
pasaheronan boluntario pa
asina percura pa cuater asiento
liber pa e localnan cu tabata
tin necesidad di yega Aruba
mas tempran posible. Danki
Dios el a funciona, y na final
nan a haya cupo den e vuelo
extra di mainta. Un vuelo
excelente por cierto, cu a pone
tur pasahero bati man contento
na momento di a baha na
rampa di Aeropuerto Reina
Beatrix, despues di diferente
expresionnan di desapunta,
disgusto y preocupacion.