Page 16 - MIN SJA DEC 13, 2014

Imelda Hof: Bunita gesto di Minister Paul Croes y
TEC NV.
Friday, 12 December 2014 16:35

Comparti

Temporada di demostra mas atención na bo sernan stima, cual ta e motibo tambe cu a celebra un rato cu
nos muchanan di Imelda Hof.
Esaki a sosode diahuebs anochi na e Kinderhuis Imelda Hof "E sonrisa y alegria riba cara di e muchanan
ta locual ta duna nos e satisfaccion. Imelda Hof recientemente a celebra 60 aniversario y ta importante pa
sigui mustra e importancia di e organisacion aki pa nos sector social. Imelda Hof ta tuma e lugar over di
famianan cu no ta funciona optimalmente y ta brinda e oportunidad na e muchanan aki pa desaroya nan
mes", tabata palabranan di e Minister encarga cu asuntonan Social, Hubentud y Labor di Aruba. Alabez
Minister Paul Croes hunto cu Tec NV a anuncia un Fun day hunto cu e muchanan cu lo tuma lugar dia 19
di December proximo. "Un trip cu Minister" manera e muchanan a yama esaki. Banda di esaki tambe a
anuncia na e muchanan e cancha di Beach Tennis cu lo wordo instala den cura di Imelda Hof, pa asina e
muchanan por practica e deporte aki tambe. Durante e Fiesta di Pasco aki, tabatin animacion di DJ y MC
cual a trece un tremendo ambiente pa e muchanan.