Page 40 - FLIP KPA

Polisnan a standby despues di entiero unda a mata Lalo

Publication: Friday, 27 March 2015. Categoria: Policial

ORANJESTAD(AAN): Polis tabata tin extra atencion pa asina garantiza seguridad di entiero di
Lalo Webb.
Diaranzon anochi caba tabata tin extra control den cierto areanan di Madiki. Despues tambe
atardi diahuebs tabata tin polisnan cu tabata tey pa atende cu e entiero.
Un grupo di amigo lo tabata tin menos bon intencion y presencia di polis sigur por a pone nan
cambia cualkier mal pensamento. Te hasta autoridad a move ora a transporta e restonan pa
Santana.
Tabata tin vigilancia den Madiki, Sabana Basora banda di Santana y tambe na Hooiberg. Banda
di Indian Rock Garden ta unda a haya Lalo Webb morto den auto. Eynan a pone algun patruya di
e team di polis destina pa entiero.
Tin costumber den cierto entieronan cu amigonan ta bay na e lugar unda e victima a worde mata
pa haci cierto acto di despedida contra tur regla. Pesey mes for di trempan e polisnan a standby.
A percura pa e area banda di Santana ta clean y despues tambe extra atencion banda di Hooiberg.
Finalmente e amigonan a yega bou palo na Madiki unda eynan a keda laba man.
Mientras tanto, habitantenan di Dakota a informa DIARIO, cu Diahuebs madruga atrobe por a
scucha varios disparo den nan bario, y sonido di auto cu ta saca take off duro.
http://www.diario.aw/2015/03/polisnan-a-standby-despues-di-entiero-unda-a-mata-lalo/