Page 75 - MIN VOS SEPT 22, 2015

Glenbert Croes (MEP): Minister Schwengle

mi ta acepta bo reto

on: Tuesday, September 22, 2015In: PoliticaNo Comments
Print Email

Siman pasa durante reunion publico relaciona cu e proyecto di hospital Minister Schwengle a
reta mi publicamente pa bay Ministerio publico. Awe mi kier anuncia cu mi a acepta su reto y
conhuntamente cu e apoyo di fraccion MEP nos lo ta preparando documentacion cu ta hustifica
un investigacion di no solamente Ministerio Publico pero tambe nos lo bay solicita Algemene
Rekenkamer di Aruba y Hulanda pa haci un investigacion completo riba e proceso di bidding y
cu a exclui cambernan di operacion.
Ora bo tende discurso di Minister Schwengle nos ta lamenta cu despues di 2 aña e ta bin papia e
idioma aki. Loke nos kier enfatisa riba dje ta cu bo no por kere cu ta cuestiona operariekamer sin
haci esaki pa e totalidad di proyecto. Nos a adverti’e 2 aña pasa prome cu el a firma e proyecto
cu OHL Arellano laga haci un investigacion independiente riba e proceso di bidding. Tabata
obvio cu tabatin bidfixing pasobra a facilita pa laga un compania cu no merece gana e bidding na
un manera masha iregular. Awo despues di 2 aña ta lanta for di soño y esaki nifica cubo ta mesun
culpabel pa tur e problemanan cu esaki por trece cune hunto cu tur e otronan cu a firma.
Bo a tapa bo wowonan pa tur iregularidad cu a sosode siendo cu full e proyecto di hospital tabata
un gefixed. Ta p’esey nos lo bay entrega y encamina e proceso pa no solamente entrega un keho
oficial na Ministerio Publico pero tambe un investigacion di parti Algemene rekenkamer di
Aruba y Hulanda. Nos ta spera tambe cu Gabinete Eman duna cooperacion completo durante e
investigacionan. Hecho ta cu Minister Schengle ta mesun culpabel cu minister Eman y Zievinger
cu a firma e contract cu OHL Arellano.

http://masnoticia.com/glenbert-croes-mep-minister-schwengle-mi-ta-acepta-bo-reto/