Page 28 - solo

Pagina 28 Diahuebs 02 April 2015

Solo Local.....

Brazil Taekwondo Stichting a sali best team na e
campeonato Himno y Bandera

Diasabra ultimo dia 28
di Maart 2015 ARTBO a
organisa e campeonato
nacional di Himno y
Bandera y e scolnan di
Taekwondo a entrega
nan lista cu nan mihor
atletanan cu lo bringa pa e
Copa di Himno y Bandera.

Clifford Rasmijn di Brazil
Taekwondo Stichting a
scoge su 7 atletanan pa
nan bringa pa e Best Team
Cup aki. Nunca bo sa di
antemano si bo ta gana
e Best Team Cup aki,
pasobra tur scol ta bringa
pa esaki tambe.

Clifford Rasmijn a scoge
e siguiente atletanan pa
bringa pa e Best Team
Cup cualnan ta: Danon
Delamore, Joshua Klabér,
Adam Liendo, Rasheed
Lowe, Hakeem Lowe,
Zayhon Klabér y Jourdé
Klabér. Danon Delamore
kende no sa scucha a
gana su pelea y a pone
e prome 7 puntonan
pa Brazil Taekwondo
Stichting. Despues a sigui
e turno di Hakeem Lowe
kende tambe a gana esaki
pa 2 punto, casi perdiendo
su pelea pa falta di orea.
Asina Brazil Taekwondo
Stichting a sigui bringa
tur su peleanan na unda
cu tur 7 atleta cu a wordo
scogi pa Clifford Rasmijn
a gana nan peleanan
cu a suma 49 punto y a
haci cu Brazil Taekwondo
Stichting a gana e Best
Team Cup. Esaki a haci
cu ta e di tercer copa cu
Clifford Rasmijn ta gana
pa e aña aki caba.