Page 15 - BNDIA ARUBA

A15
HENDE Diamars 23 Januari 2018

Studiantenan a haya certifi-

cado guest service gold

ORANJESTAD - Recientemente, Colegio EPI unidad
Hospitalidad y Turismo, designa como e Global Aca-
demic Partner oficial pa e American Hotel and Lodg-
ing Educational Institute, a completa e programa di
certificacion titula Guest Service Gold, segun e relato
cu nos a haya.
Esaki a tuma luga na Playa Linda Beach Resort, un di e prome
hotelnan na Aruba cu a mira e balor y importancia den brinda
nan empleadonan un programa di certificacion di calidad y
reconoci mundialmente cu ta ekipa cada un cu e tools nec-
esario pa keda competitivo y brinda servicio di excelencia na
e hotel.
E training y certificacion a tuma luga den e luna di november
2017 y facilita pa via di Rishi Ramsoondar, Certified Hosp-
titality Educator di AHLEI. Na final di e proceso di certifi-
cacion y completando nan examen, 10 empleado a ricibi nan
reconocimento como Guest Service Professional.
Esakinan ta: Aixa Albertus, Sebastian Cardenas, Solange
Croes, Jacobo de Mey, Roland Hermosen, Diandra Kerpens,
Aida Marquez, Unberto Schmidt, Shaquille Simmons, Mario
Tromp. Cada un a ricibi nan certificado y tambe nan pin ofi-
cial otorga pa AHLEI.

Servicio di 5 strea ta cuminsa cu cada empleado. Den e era di
globalisacion caminda turismo ta hopi competitivo, persen-
tado retonan pa genera y mantene entrada, servicio ta bira e
clave.

Empleadonan mester por tin e habilidad pa interactua y co-
necta cu tur huesped pa surpasa expectativanan na momento
di eherce nan trabou diario den un hotel of restaurant.

Pa por yega na servicio excepcional ta rekeri di capacitacion
di e hende y no mester mira esaki como un gasto pero mas
como un inversion. Fuera di esey programanan di capacita-
cion mester ta di un nivel di calidad halto cu ta brinda retorno
di e inversion pa tur esunnan envolvi. Estadistica nan tambe ta
prueba cu huespednan exigente di awendia ta premia servicio
excepcional cu lealtad y nan disponibilidad pa gasta mas na un
producto.

Di e forma aki tambe Colegio EPI unidad Hospitalidad y Tur-
ismo, como un institucion di educacion pa bida largo ta mus-
tra su compromiso cu e industria di turismo na Aruba door di
contribui na sigui eleva e calidad di servicio y producto.

Programanan di certificacion mundialmente reconoci di e
American Hotel Lodging Educational Institute (AHLEI) por
wordo ofreci na tur nivel den hotel y restaurant aki na Aruba.
Pa mas informacion tocante e portafolio extenso di program-
anan di certificacion di AHLEI na Aruba por tuma contacto
cu Vanessa Loefstop of Ryan Maduro, di Colegio EPI Hospi-
talidad y Turismo na 525-8781.