Page 10 - 14_di_March_di_2022

10|Dialuna, 14 di Maart 2022

Nissan March a perde control y ranca un pal’i luz dama chofer herida

Diabierna algo prome cu mey ano-
chi un accidente serio a sosode riba e
caminda di Hato. Un unidad di Bombero
tabata esun cu a yega prome n’e sitio,
debi cu a pensa cu tin hende pega den
auto. Pero esey no tabata e caso.
Tabata trata di un Nissan March binien-
do di pabou a dal contra un pal’i luz ki-
brando esaki completamente. Na stuur
tabata un dama kende lo a ricibi golpi
na pecho y tabata kehando di basta do-
lor. E caminda a wordo sera den ambos
direccion, esta rotonde di Hato y tambe
rotonde di Tanki Flip.
Ambulance a presenta y por a mira e
dama hunto cu un Paramedico cana
subi ambulance. Elmar mester a presen-
ta unda e mester a yuda cu a pal’i luz
benta abou y tambe e wayanan. Debi
n’esaki un parti di e caminda a perma-
nece sera pa Elmar por a traha. Segun
nos a compronde cu e Nissan March lo
ta un auto di huur.

Colegio San Antonio su “Beroepen Orientatie Dag”

a conta cu participacion di Aruba Bank

Aruba Bank su ekipo di profesionalnan a forma parti di
“Beroepen Orientatie Dag” di Colegio San Antonio, diabierna
11 di maart ultimo.
E topiconan cu a wordo presenta durante e dia ta “Pakico sco-
ge pa traha na Aruba Bank” y un enfasis riba e departamento
di “Finance”.

Meta di e “Beroepen Orientatie Dag” ta pa yuda motiva, ins-
pira y informa e alumnonan di diferente profesion cu tin ac-
tual, y guia nan cu e escogencia di profiel.
E profesionalnan a comparti un tiki di nan educacion y carera
na Aruba Bank y kico studiantenan por spera si en caso nan
scoge e rumbo di economia pa nan futuro profesion.

Un mainta hopi interactivo caminda studiantenan a haci hopi
pregunta p’asina sigura nan scoge e profiel corecto pa nan
futuro.
Aruba Bank ta gradici Colegio San Antonio p’e invitacion.