Page 20 - AAA

Meteo vigilando posibel tormenta

tropical yegando nos region

Posted on 06/18/2017 8:36 pm AST | Updated on 06/18/2017 8:43 pm AST

ORANJESTAD - Servicio meteorologico ta vigilando un ola tropical (disturbio) cu
ta organisando su mes pa drenta nos region di Caribe. Diadomingo 8'or e centro di e
disturbio tabata ubica 7.7 grado North, y 51.4 grado West. E sistem ta moviendo
direccion west cu e velocidad di 37 km pa ora. Ta spera un trayecto basta lihe
direccion west/noord west pa e proximo 48 hora. Riba e trayectoria aki e disturbio
lo yega Isla Ariba dialuna anochi y diamars. Biento maximo sostene ta di 55 km pa
ora. Segun servicio meteorologico, e disturbio ta pronostica pa yega intensidad di
nivel di tormenta tropical awe nochi of dialuna prome cu e yega Isla Riba. Awacero
y tormenta ta gradualmente birando miho organisa, y desaroyo adicional ta
probable den e proximo dianan. Dialuna mainta gobierno ta dunando un
conferencia di prensa riba e tema aki.

EFECTO PA ARUBA

Si e sistema wanta y bira un tormenta tropical, e por pasa net panort di Aruba como un
ciclone swak of un ola tropical fuerte diamars anochi pa diaranson. Pero ta mustra cu e
por perde forza prome cu e yega Aruba. Sinembargo mirando e cercania di e disturbio, e
por afecta e aire rond di nos y hacie instabil, induciendo awacero y tormenta. Servicio
meteorologico di Aruba ta subraya cu e momento aki Aruba no ta bou di un alerta di
tormenta tropical. Si ta necesario, lo avisa apropiadamente.