Page 22 - AWEM NOV 5
P. 22
22 AWEMainta Diahuebs, 05 November 2015
A bishita Prome Minister
Museo Arqueologico a
evalua e prome aña di e
convenio relaciona cu e
proyecto ‘Nexus 1492’ di
Universidad di Leiden
E SIMAN aki Museo Arqueologico Nacional Aruba (MANA) tin bishita di
Prof. Dr. Corinne Hofman y Prof. Dr. Menno Hoogland, ambos di Universidad
di Leiden. Nan ta na Aruba pa delibera rib’e prome resultadonan di e ‘MOU’
cu Minister Oduber a firma aña pasa den nomber di Museo Arqueologico
relaciona cu e proyecto ‘Nexus 1492’.
E proyecto aki ta uno di investigacion cientifico pa fiha patronchinan
di migracion den Caribe durante e periodo di prome contacto entre e
Indjannan, Europeonan y Africanonan den e region di Caribe.
E proyecto ta uno multidisciplinario y regional y ta conduci investigacion
e.o. na Santo Domingo, Cuba, Guadeloupe y St. Kitts.
Na Aruba ta enfoca rib’e hayazgonan haci n’e tereno di Santa Cruz 35, cual
ta un sitio unico debi n’e grafnan y artefactonan cu a haya akinan. Tanto
e defuntonan como e material ta di e periodo di e prome contacto entre e
Europeonan y e prome Arubianonan (Indjannan Caquetio).
E aña cu a pasa a haci diferente analysis di ‘Radio Carbon 14’ y di ‘Isotoop’
rib’e material. Tur analysis y otro gastonan di investigacion ta ser financia
p’e proyecto cu ta subisdia pa Union Europeo.
E prome resultadonan ta fascinante y awor arqueologo drs. Raymundo
Dijkhoff di MANA y Prof. Dr. Menno Hoogland di UL, hunto cu otro
expertonan, lo sigui investiga e material. Un prome relato y presentacion
publico ta planea pa 24 di februari 2016 na Museo Arqueologico.
Durante estadia di Dr. Hofman y Dr. Hoogland a probecha pa haci un bishita
di cortesia na Prome Minister, cu ta tambe Minister di Sciencia y Desaroyo
Duraduro. Prome Minister tabata masha interesa den e topico y a ricibi cu
placer un copia di e publicacion ‘Managing our Past into the Future’ for di
Prof. Dr. Hofman.
Den e buki aki MANA ta participa cu un articulo di drs. Dijkhoff y Dr. Marlene
Linville. Ambtenaar encarga cu maneho di MANA, mr. Arminda Franken-
Ruiz BSc., a gradici Prome Minister pa su interes y disponiblidad pa ricibi
e delegacion mirando cu Minister di Cultura ta den exterior.
Feria di Cuminda DIADOMINGO 8 di november di 9:00 am te cu 2:00
Dakota den
parkinglot di Parokia pm lo tuma lugar e Feria Gastronomico Multicultural
Birgen di Fatima Dakota pa mustra un variedad di cuminda di diferente
cultura y pa recauda fondo p’e renobacion di Parokia
Birgen di Fatima.
Nos ta spera tur parokiano di Parokia di Dakota,
tur Catolico y pueblo di Aruba en general pa asisti
diadomingo awor na e parkinglot dilanti di Misa di
Parokia Birgen di Fatima di 9or am pa 2or pm.
