Page 5 - MIN ON 31 OCT 2015

AWEMainta Diasabra, 31 Oktober 2015 19

STUDIANTE NAN DI

SPO SANTA CRUZ

COMPETIENDO

DEN E GOOD 4 THE

NEIGHBORHOOD

Organisa pa Aruba Bank

RECIENTEMENTE Aruba Bank a lansa su di 7 edicion di e

proyecto Good 4 the Neighborhood cu e tema e aña aki di “Be-
come a saving star”.
Actualmente studiantenan di e prome, segundo y tercer grado di
Scol Practico pa Ofishi Santa Cruz cu ta den full preparacion en
conexion cu e proyecto di Spaar di Aruba Bank.
Scol Practico pa Ofishi ta un scol vocacional. Aki e hoben ta haya
lesnan practico y tambe ta siña un ofishi. E scol ta special unda
e hoben ta desaroya habilidadnan cu ta yud’e no solamente den
un trabao, pero tambe den su bida diario.

Den e grupo di scol tin 6 hoben masha activo den e proyecto.
Nan ta Ayline Maduro, Evenezer Illidge, Aaron Rafael, Melony
Boekhoudt, Shindey Tromp y Jhonathan Kock.
A sinta pensa riba cua ta un di necesidadnan mas grandi di Aruba
y por a ripara cu esaki ta spaarmento di awa.
Actualmente Aruba ta sufriendo di un temporada di secura basta
largo. Hasta damnan a bira bashi. Nan kier stimula comunidad pa
busca maneranan creativo pa spaar awa. Aruba completo mester
haya e mentalidad pro naturalesa.

Un otro punto cu a haci influencia p’e proyecto aki ta cu e consumo
di awa di nos scol cu ta bastante halto. Esaki ta bin tambe dor di
e.o. e uzo di awa pa lesnan di cuido di mata, lesnan di cushina,
bañamento despues di gym y labamento di paña.
A logra haya toter regalo di WEB pa nos recoge e awa cu ta spaar
di wasbak, wasmashin y airco. A haci preparacionnan pa ehecuta
e proyecto pa por filma esaki tambe den e movieproject. Mester
a busca toter y verf esakinan, tambe a cuminsa acumula awa den
hemchi di 5 galon pa haya un bista di cuanto awa lo por spaar.

Otro trabou tabata coba e tereno pa pone tuberia di PVC. Ainda ta
buscando tubonan di PVC pa recicla. Ta pidi comunidad, esun cu
tin tubo y kier duna scol, pa manda un message riba nan facebook
page y ta pasa busca nan pa e proyecto.
SPO Santa Cruz tin contacto estrecho cu Santa Rosa. Hunto cu
StimAruba a colecta Mangrovenan pa cuida p’asina por disminui
e impacto di e perdida di esnan cu lo kita na momento di traha e
brug na Franse Pas.
Aruba completo keda pendiente di e proyecto di spaar awa. Corda
like nan riba facebook y instagram na ikteachict. Scarsedad di
awa ta un problema mundial ban conscientisa otronan pa nos
haci menos impacto riba nos medio ambiente.