Page 4 - MIN ON_Neat
P. 4
338 alumno di Examen Klas a haya nan
diploma kiermen 76% a slaag
- Advertisement -
ORANJESTAD (AAN) – Josette Daal, director di SKOA, den entrevista cu Matutino
DIARIO, a referi na e resultadonan di nan scolnan MAVO, pa loke ta concerni aña
escolar 2016-2017.
El a divulga e resultadonan despues cu e studiantenan cu mester a haci heer a keda cla
cu esaki.
Tabata tin 445 alumno cu a participa den examen klas di cual 338 a haya nan diploma
cu ta nifica 76 porciento pa e scolnan di SKOA, cu ta un satisfaccion pa nan, segun sra.
Daal.
El a splica cu, naturalmente, e resultado ta varia pa scol. Por ehemplo na La Salle
College 78 porciento a slaag, Maria College 75 porciento, Colegio San Antonio 68
porciento, Filomena College 87 porciento y Colegio San Agustin 75 porciento, cu den
total ta nifica 76 porciento.
E resultadonan a keda stabil compara cu añanan anterior. Semper e resultadonan ta
varia entre 75 pa 87 porciento. Esaki ta depende tambe di con grandi e grupo di
alumnonan ta. Esaki ta hunga un rol grandi, sra. Daal a subraya.
Sra. Daal a subraya cu no por generaliza y bisa cu studiantenan no kier siña. El a indica
cu enseñanza ta dinamico, kiermen semper ta move.
