Page 40 - HOSPITAAL
P. 40
Minister Dangui Oduber a anuncia cambionan
den Spoedeisende hulp door di muda “dokter na
warda” (huisartsenpost) pa Medical Office
Building y ta extende orarionan di servicio.
May 10, 2018
Minister di Turismo, Salubridad Publico y Deporte, Sr. Dangui Oduber a comparti awe un noticia sumamente
positivo pa cu cambio na Huisartsenpost pa yuda reduci e lista di espera na Spoedeisende hulp (SEH).
Actualmente e huisartsenpost (HAP) no ta trahando na un manera eficiente y integral. E distancia fisico entre e
HAP y SEH ta stroba e comunicacion. Esaki ta trece cu pashentnan tin momentonan ta warda
“innecesariamente” pa oranan largo, prome cu por hasi un “triage” y consecuentemente wordo atendi
adecuadamente. Un ehempel ta na momento cu un pashent bai HAP e tin di warda eynan pa dokter wak e y
despues si e tin mester di pasa SEH pa bai saca potret of otro testnan elo mester bolbe warda pa un “triage”. Un
di e kehonan di mas grandi ta e funcionamento di SEH caminda e ora y/of lista di espera ta hopi largo.
Pa evita esaki esaki y pa trece cambio y mehoracion na SEH, e Huisartsenpost lo muda fisicamente banda di
SEH desde juli 2018 y lo ta situa na e Medical Office Building caminda cu e pashent ta bai acudi su mes
