Page 34 - ATA
P. 34
ATA: Aruba a yama bonbini na 77.644
bishitante den luna di september
Posted on 10/12/2017 4:00 pm AST | Updated on 10/12/2017 4:04 pm AST
ORANJESTAD – Aruba a yama bonbini na 77.644 bishitante den luna di
September. Asina Aruba Tourism Authority ta bisa den un comunicado e siman aki.
Segun ATA, e total di turismo ‘stay-over’ pa nos isla a keda casi igual cu un
aumento di 0.4% si compara esaki cu september 2016. Si exclui e bishitantenan di
Venezuela, por mira un aumento di 11.3% cual ta igual na un total di 66.090
bishitante pa nos isla. No obstante e caida di mercado Venezolano, e aumento aki ta
un indicacion di stabilidad y crecemento continuo di Aruba su turismo. Alabes, e
cifranan ta indica crecemento den mercadonan clave pa Aruba, manera Merca,
Canada, Brazil, Argentina y Alemania.
Pa e asina yama year-to-date 2017, 797.457 turista a bishita nos isla, cual ta 6.2% menos
cu e mesun temporada aña pasa. Si nos exclui e bishitantenan Venezolano, por mira un
aumento di 7.9%, ekivalente na 726.444 bishitante.
