Page 49 - MIN JUS - MAY 22, 2015
P. 49
cla cu nan tin un interes hopi specifico, esta cu nan ta core autonan RHD y cu nan tin un
pensamento riba e auto, riba siguridad di e auto, etc.
E grupo a propone pa bin cu un comision pa evalua cierto aspectonan di e auto y Minister
Dowers a expresa di no tin ningun problema cu esaki. El a remarca cu mester corda si cu e punto
di salida cu e cambio den ley ta algo “principeel, fundamenteel; den tur sistema bo ta traha un
auto di un forma pa garantisa e nivel di siguridad mas halto riba caretera”. Siguridad den trafico
di acuerdo cu normanan pa trafico di man drechi ta e prioridad mas halto pa e mandatario y esey
tambe e representantenan di e grupo ta compronde, segun Minister Dowers.
E mandatario a splica cu loke mas a resalta como preocupacion principal tabata cu doñonan di
autonan RHD a haya e impresion di informacion publica cu husticia lo a bay kita e autonan for di
nan di un dia pa otro y cu esunnan cu tin auto den “bestelling” lo tin un auto cu ningun balor ora
esaki yega Aruba. Tambe tin ciudadanonan cu ta evaluando e compra di un auto RHD cu awo ta
pega cu nan decision.
Minister Dowers primeramente ta conseha tur persona cu un intencion pa cumpra un auto RHD
pa nan warda cu nan decision pa mira kico ta bay pasa prome. El a bisa cu lo tene cuenta cu e
personanan cu a bestel nan auto caba, mester provee e oportunidad pa nan keur nan auto ora e
yega, pues nan no lo instantaneamente perde balor pasobra nan no lo wordo automaticamente
nenga permiso pa participa den trafico cu nan.
Y por ultimo, Minister Dowers a bisa enfaticamente cu pa tur persona cu tin un auto RHD gekeur
caba lo bin un “overgangsbepaling” cu lo determina con largo nan por sigui riba caminda pa
garantisa e doñonan cu nan por tin maximo probecho di nan inversion. E no mester bira un
discusion hopi largo, pasobra lo purba di haci’e den e forma mas beneficioso pa esun cu tin e
auto, Minister Dowers a subraya.
E “besluit” ta uno den preparacion, e conseho riba dje mester bin ainda y lo mester tuma luga un
evaluacion hunto cu wetgeving tambe pa determina e condicionnan di transicion
(overgangsbepaling). E “besluit” no ta un ley cu ta bay Parlamento, pero un decision cu ta wordo
firma pa Minister di Husticia y Gobernador.
Minister Dowers ta spera cu un discusion mas amplio ta trece cune un contribucion comunitario
pa asina e introduccion bay mas facil, cu un periodo di transicion cu no lo haci dolor. “Nan a
compronde esey y mi ta kere nan por tin aprecio p’e tambe,” el a finalisa bisando.
