Page 35 - AHATA

ORANJESTAD (AAN): Diahuebs Minister Maduro a reuni cu señora Vannesa Satur di
United Nations World Tourism Organization (UNWTO) y ehecutivonanan di Oficina di
Estadistica (CBS) riba e trabaonan cu a worde haci pa asina Aruba por conta cu un
‘Tourism Satellite Account’ (TSA). E TSA ta brinda nos informacion detaya di e impacto

directo cu turismo tin riba e economia di nos Pais, cual ta yega na 20% di nos GDP.

E informacion compila den e TSA ta importante, ya cu e TSA banda di ta duna bista riba
e tamaño y impacto directo di turismo riba nos economia, ta brinda informacion detaya

di e consumo di nos bishitantenan, e oferta y e importacion necesario pa cumpli cu e
demanda aki.

Minister Maduro ta gradici señora Satur y su coleganan di UNWTO y tambe tur e

ehecutivonan di CBS pa e trabao importante aki pa Aruba. E TSA lo keda oficialmente
publica na juni 2020.