Page 17 - HOH

Diahuebs, 1 April 2021 AWEMainta 9

Pone atencion un bes mas pa hunto nos combati’e

Regla na Hospital ta pa proteha pashent,

bishitante y personal

DESDE inicio di e pandemia aki Dr. Horacio E.
Oduber Hospital a introduci diferente regla p’asina

minimalisa riesgo di contagio di Covid-19 cu meta
primordial pa proteha tur pashent, bishitante y alabes
miembronan di personal.
Pero ta importante pa un bes mas recorda tur hende cu
mask ta obligatorio na Hospital. Na momento di yega

Hospital nos tin nos miembronan di seguridad p’asina
instrui tur bishitante un ke otro pa bo bishita ta lo mas
placentero posibel.

Regla pa bishitante di pashent admiti
Ta permiti solamente 1 (un) bishitante fiho y mayor
di edad (18 aña of mas) pa pashent interna. Tene bon
na cuenta cu tapaboca ta obligatorio y como extra pre-

caucion lo duna e bishitante di pashent un tapaboca
nobo prome cu drenta Hospital. E orario di bishita lo
sosode na un orario fiho cu un duracion di 1 ora.

E orario fiho aki lo ser comunica directamente cu e
pashent/bishitante p’asina por keda garantisa distan-
ciamento social den cada kamber.

Regla pa bishitante di pashent cu Covid-19

Si un pashent interna tin Covid-19 no ta permiti’e
pa ricibi bishita. Esaki ta p’asina minimalisa riesgo
di contagio entre famianan y alabes pa proteha nos

miembro di personal. Cuido di pashentnan cu Cov-
id-19 ta intenso y nos no kier yega na un momento cu
tin scarcedad di personal pa motibo cu nan ta malo di
salud.

Regla pa bishitante di pashent cu Covid-19 den
fase terminal
Hospital ta mira e importancia di e parti emocional y

humano y pues aki lo por haci un excepcion. Na otro
partinan di mundo mayoria di biaha no ta ni permiti
bishita na momento cu un pashent ta terminal.
Tin excepcion pues pa pashent cu Covid-19 cu ta
terminal cual por ricibi bishita di solamente casa y

yiu(nan). Semper haciendo uzo di proteccion corecto
pa minimalisa riesgo di contagio.

Desde awor caba kier a desea tur hende Feliz Pasco
Grandi, pero por fabor abstene di loke ta aglomera-
cion, corda semper riba distancia social y mantene un
bon higiena di man. Directiva, staf y personal di Hos-
pital ta gradici tur hende pa nan comprension y coop-

eracion. Hunto nos por combati’e!