Page 2 - COLEGIO ARUBANO 13NOV,2015

Siman di centraal proefwerk y school examen
na Colegio Arubano

Posted on 11/12/2015 10:30 am AST | Updated on 11/12/2015 10:37 am AST

ORANJESTAD – For di ayera diaranson y te cu dia 20 di november, e 1592 alumnonan di
Colegio Arubano ta den pleno ‘CP-week’ y ‘SE-week’. Colegio Arubano ta desea su
alumnonan hopi exito. “Nos ta sigura nos alumnonan cu nan por tin tur confiansa cu e
preparacion cu nan a ricibi durante e ultimo cinco simannan di les, cual ta Blok 2, combina
cu nan dedicacion y empeño lo yuda nan sali cu exito for di e siman di CP y SE aki”, asina
Zaida Everon, kende ta docente di biologia y alaves Relacionista Publico di Colegio
Arubano a expresa.

KICO TA CP Y SE

Centrale Proefwerken (CP) ta e proefwerknan cu ta wordo traha pa alumnonan cu no ta den
examenklas, esta di klasnan CB1 (Ciclo Basico 1) te cu HAVO 4 y VWO 5. E Schoolexamen
(SE) ta forma parti di e punto final di e alumnonan den examenklas, o sea HAVO 5 y VWO 6.

TOETSNAN CU COLEGIO TA OFRECE

Colegio Arubano ta ofrece cuater periodo di toets, durante cua ta somete e alumnonan den
examen klas na diferente test pa e materianan cu cada un a scoge. E averahe di e tres cifranan pa
cada vak ta conta pa 50% di e cifra final di e alumno. E otro 50% di su cifra final ta e resultado
di e examen escrito (CSE, centraal schriftelijk examen) cu ta bin for di Hulanda y ta tuma luga
na final di e aña escolar. E promedio di e dos cifranan ta su punto final. Pa algun materia no ta
existi CSE y e alumno ta traha cuater SE; e promedio di e cuater toetsnan ta bira su punto final.
Zaida Everon a splica cu tur vak di examen ta wordo getoetst, cuminsando cu e idiomanan