Page 47 - MIN ARENDS

Y awor ta Mireille Sint Jago ta sali afo y denuncia cu MEP ta un partido cu ta
discrmina hende di color, etc.

Y tur esaki faltando un siman pa entrega di listanan politico, mientras cu e
candidato aki a cuminsa prepara pa su campaña, a organisa bbq y a instala
basta borchi grandi di su persona.

Dicon dirigencia di MEP no a pidi’e pa wanta cu esakinan y no pa crea speranza
falso, si ya caba ta papia hasta di lagu’e for di lista.

Awe Miriella Sint Jago no ta bon mas pa subi lista, alegando cu biaha pasa na
posicion 12 riba lista, el a haya unicamente 77 voto y te cu awor ta un cas so el a
bishita.

Esaki ta un di e pruebanan cu e partido no tin hende (muher) di color na pecho.
Lider di partido MEP, Evelyn Wever no tin e capacidad pa dirigi e partido y
menos ainda e pais aki.

Pero te mesun Mireille Sint Jago na Tanki Leendert a declara cu MEP ta un
partido unda e ser humano ta para central y candidatonan cu conocemento,
caracter y personalidad t’esnan cu ta lidera e lucha pa un mihor futuro pa Aruba.
Y pa awe, e Sint Jago no ta comparti e opinion aki mas.

Si el a anticipa, cu tin mas candidato cu lo bandona MEP ainda prome cu
entrega di lista.

http://awemainta.com/mireille-sint-jago-a-sorprende-tur-hende-cu-su-retiro-
acusando-mep-di-un-partido-racista-y-ta-discrimina/