Page 66 - MIN ARENDS

Luciano Milliard a bisa cu Richard Arends ta un compas cu por confia riba dje y ta sirbi
como guia pa Aruba.

Sra. Selima Maduro-Halabi a expresa su mes den forma hopi personal, ya cu e conoce
Richard desde nan ta mucha.

P’e Richard ta un tremendo tata di famia y un bon casa y yiu.

Minister Angel Bermudez tambe tabatin palabranan di aprecio p’e persona Richard
Arends y a menciona varios reunion cu nan a atende hunto y unda e inteligencia di
Richard semper ta hunga un rol grandi.

Na final di su discurso el a priminti Richard dilanti e centenares di hende cu e ta vota p’e
den e siguiente eleccion.

Minister Mike de Meza ta otro cu a conta di e capacidadnan di Richard y a recorda con
apesar di su edad hoben el a sa di pone hendenan para straight ora e tabata hiba
negocacionnan cu entre otro grandinan di e mundo empresarial.

Richard a lidera e ekipo cu a haci e exitoso trabou di reapertura di e refineria. Aki el a
negocia cu ehecutivonan halto di CITGO.

Lider di partido Mike Eman a bisa cu e calidadnan di Richard Arends ta legio y su
inteligencia incomparabel, pero esey so no ta haci un persona un bon politico.

Banda di esaki Richard Arends tin su curazon n’e bon lugar. Un curazon cu ta bati pa su
hendenan, p’e comunidad aki. El a finalisa su discurso bisando: Aruba ta yama bo bon-
bini.

Na momento cu Richard Arends a subi stage pa papia e hendenan tabata completamente
entusiasma. El a gradici su casa y yiunan, su mayornan y su ruman muher y demas famia
presente. El a splica pakico el a scoge pa subi lista di partido AVP.

“E contesta ta simpel: Un partido mester ta basa riba un ideologia y no riba pragmatismo.
Mi ta kere firmemente den e fundamentonan di e ideologia Social-Cristian cu e partido ta
basa riba dje. Mi ta kere den responsabilidad comparti unda Gobierno ta mantene su mes
na su tareanan propio.