Page 23 - ARUBA BANK April 13

RBC Royal Bank a lansa campaña nobo
Hipoteca

Monday, 13 April 2015 16:11
Comparti

Dia 13 di april, RBC Royal Bank durante un conferencia di prensa a anuncia su segundo “Dia di
Informacion di Hipoteca” cu lo tuma lugar dia 25 di april na RBC su branch principal situa na Sasaki.
Sra. Joanaila Geerman-Lacle, Branch Manager Sasaki durante conferencia di prensa a conta: “RBC
recientemente a lansa un campaña nobo di hipoteca y en conexion cu e tremendo campaña aki RBC ta
organisando su di segundo “Dia di Informacion pa Hipoteca. RBC su campaña di hipoteca ta encera
interes reduci entre solamente 6.75% y 7% APR riba hipoteca pa residente y tambe pa“non-residents”,
prestamo di hipoteca pa cumpra tereno y Home Equity. Ademas tur cliente aproba ta ricibi un descuento
riba nan Seguro di Candela y nan taxatierapport paga te cu un maximo suma di Afl. 250. Tambe un
persona tin chens pa gana un gift certificate di Afl.2500 na Crown. Y pa haci e oferta aki uno mas atractivo
ainda, e cliente lo ricibi descuentonan special na diferente tiendanan participante.
Cu e campaña aki y “Dia di Informacion di Hipoteca” RBC kier duna su clientenan un pakete completo cu
no ta encera solamente un bon oferta pero tambe duna e cliente informacion valioso y tipsnan practico pa
asina yuda nan planea e proceso completo ora di compra, construccion of renobacion di nan propio cas. E
“Dia di Informacion di Hipoteca” aki cu lo tuma lugar diasabra dia 25 di april na RBC Sasaki y durante e
dia aki cu lo cuminsa for di 10’or di mainta te cu 2or di merdia, RBC ta bay duna un seminario di hipoteca.
Tambe ta bay tin un Real Estate Expo cu hopi agencianan di Real Estate y contratistanan presente y sin
lubida e Account Managers tambe lo tey pa asina yuda un y tur cu nan peticion pa nan hipoteca.
Pa registra pe seminario of tin mester di cualkier otro informacion bo por yama nos RBC Service Line na
588.01.01.

http://www.24ora.com/local-mainmenu-5/94026-rbc-royal-bank-a-lansa-campana-nobo-hipoteca