Page 23 - FUNDASHON LOTTO PA DEPORTE

E deportenan cu ta haci uzo di e facilidad aki ta taekwondo, pingpong, jiu jitsu y

basketball. Ta desea pa tur dia miembronan, no miembronan y esunnan cu ta haci

deporte, por haci uzo di e club. E mantencion di e club no ta facil, pasobra

constantemente tin algo cu ta pasa y mester drecha, manera baño, ladronicia ora di un

kiebro, luznan y hopi mas.

Casi tur dia ta haci uzo di e club, hasta riba diasabra y diadomingo, asina Rudy Croes a

expresa. Den e parti mainta scolnan ta haci uzo di e club, di cual te cu awo no por laga

nan haci uzo di e parti paden. No ta laga nan pa motibo cu e material manera di pingpong

ta caro y mester uz’e pero bou guia di esun cu ta handle cu pingpong. Tur esaki ta conta

p’e matnan di jiu jitsu y taekwondo. Aworaki ta haci uzo di solamente e parti di veld, esta

di basketball. Solamente ta haci uzo di dje den parti di mainta, pasobra despues e ta bira

imposibel pa motibo di solo.

President di Club Estrella a elabora cu e idea ta pa yega na un dak, pa asina no solamente

basketball of deporte por haci uzo di dje pero scolnan tambe. “Nos ta un organisacion cu

hopi tempo no kier laga ni scolnan ni otro deportenan cu ta haci uzo di esaki paga un

suma halto p’e uzo di e facilidad”, asina el a expresa. Nan ta pidi yudansa pa mantencion,

di cual e deporte di pingpong a yuda nan. E directiva a percura p’e material, pero esunnan
di pingpong a verf e luga durante e actividad di Aruba Doet.

E aña aki dia 9 y 10 di Maart un biaha mas durante e actividad di Aruba Doet nan lo ta

drechando e sala di jiu jitsu. E sala aki e miembronan di jiu jitsu lo haci e parti di

verfmento. Club Estrella ta yuda e deportenan, mientras di otro manda e deportenan

tambe ta yuda bek na Club Estrella.