Page 25 - Awemainta

AWEMainta Dialuna, 22 Februari 2016 25

Finalistanan di Frico
Recipe Contest a
enfrenta otro den
un cook-off

Nan a cushina nan receta live pa
hurado den fin di siman

PA 6 SIMAN amantenan di keshi a experimenta den cushina

y crea recetanan delicioso cu Keshi Frico, p’asina participa
den e “Make It With Frico-recipe contest” organisa p’e marca
di keshi Hulandes y su distribuidor, Compra Ltd. Masha hopi
receta a wordo entrega na Compra of via e website www.
FricoRecipeContest.com y durante mas di 2 siman hurado a
delibera p’asina saca e 3 finalistanan: Cadir Lampe cu su Frico
Chicken Pie di mi wela Adelinda, Jadieene Franken cu su Frico
Maasdame blueberry chicken y Rufina Chayadi Pastel Frico Mix
Special.

Diasabra ultimo e 3 finalistanan a enfrenta
otro den un Cook-Off unda cada un di nan
mester a prepara nan receta en bibo na ALNO
Eurokitchen Design y presenta nan receta na
un panel di hurado p’asina por scoge e gran
ganador cu ta bay cas cu un premio balora na
Afl. 3500.00. E huradonan ta: Chef Regional
Ehecutivo di Divi Resorts, Matt Boland,
personahe di radio y television, Ivo Yanez y
Director di Compra Ltd., Hubert Dirkz.

Por sigui e Cook-off riba
e Facebook page di Compra
Ltd, unda e recetanan lo ta
obtenibel tambe.
Mañan nos ta spera di
tin e resultado final di e
competencia interesante
aki.