Page 11 - UTILITIES

40 Djarason 27 Yüni 2018
Kontinuashon di pagina 5
Aqualectra:

téknikonan di Aqualectra
ta keda alerta i lo hasi tur
esfuerso pa remediá e
interupshonnan aki mas
lihé posibel.
For di siman pasá
koriente a kai afó pa
motibu ku mashinnan
na e plantanan ta kai afó
direpente. E motibunan
ku e mashinnan ta stòp di
funshoná kada bia tabata
pa diferente motibu tékniko.
E desperfekto ta kita e
mashinnan for di e ret di
koriente ku konsekuensia
ku sierto arianan ta keda
sin koriente pa un ratu. Den
mayoria di kaso por a pone
koriente relativamente lihé
pa e klientenan, debí ku tin
sufisiente kapasidat pa e
suministro.
Aqualectra ta
pidi diskulpa pa e
inkumbiniensia ku ku e
situashon di koriente a
trese awe mainta pa nos
klientenan.
Kontinuashon di pagina 13
Kasá di dama
den nesesidat, morto dor
di kulpa i tambe maltrato ku
morto komo konsekuensia.
Tur esakinan teniendo
kuenta ku uso di mas di
droga i alkohòl na e sitio
mirando ku e anochi ei
tabatin un selebrashon na
e kompleho di apartamento.
Otro punto importante
den investigashonnan di e
kaso aki ta kámaranan di
seguridat instalá na e sitio.
Na e kompleho di
apartamento aki tin vários
kámara di seguridat instalá
kual sigur lo por ta yudansa
klave pa posibel solushon di
e kaso aki.
Pero e “server” di e
kámaranan aki ta den
eksterior loke ta pone ku
hustisia mester a hasi e
petishon na outoridatnan
den eksterior pa yuda
yega na e grabashonnan
di e kámaranan pa
asina kontinuá ku
investigashonnan.
Mientrastantu e promé i
úniko sospechoso te ainda
ta e hòmber di inisial B.D.
kende tabata partner di e
dama aki.