Page 29 - Min.Social 25 March'15

http://masnoticia.com/banco-di-caribe-aruba-n-v-tambe-a-yuda-cu-aruba-doet/

Post Aruba N.V. a brinda training na empleado

· Mar 24th, 2015
· Local

Durante e ultimo simannan un grupo di empleado di Post Aruba N.V. a ricibi e curso “Moving Up” cual a wordo duna
pa Sr. Mario Vieira di “Service Quality Institute”.
E industria postal ta pasando door di hopi cambionan ultimamente y pa e motibo aki tin e necesidad pa bin cu
ideanan nobo y creativo pa por mehora e servicio y introduci servicionan nobo segun e demanda actual y di futuro.
Pa por logra esaki mester tuma accion y educa e empleadonan pa como un team por logra e metanan cu Post Aruba
N.V. tin su dilanti.
Den e curso “Moving Up” e empleadonan a haya instrumentonan y tips con pa crea meta a base di e concepto
“S.M.A.R.T.” y con pa ta mas proactivo y positivo pa asina por logra e metanan. Tambe a enfoca riba e importancia
pa bai e “extra mile” pa satisface e clientenan.
Hopi cambio mester tuma lugar na Post Aruba N.V. y esaki sigur ta tuma su tempo. E curso aki ta un di e pasonan
pa yega na e cambionan aki, pues e empleadonan mester tin siguridad y confianza den nan mes pa por aplica esaki
tambe den nan trabou y a la ves motiva otro coleganan pa sigi crece y yuda trese e cambionan den e compania. Post
Aruba N.V. lo zorg pa tur empleado por beneficia di e bon training aki pa nan mesun progreso y progreso di Post
Aruba N.V. en general.

http://masnoticia.com/post-aruba-n-v-a-brinda-training-na-empleado/
http://www.awe24.com/20150324/21296/Post_Aruba_NV_a_brinda_training_na_empleadonan_cu_e_
curso_Moving_Up