Page 16 - AWEMAINTA

16 AWEMainta Diahuebs, 6 Juli 2017

Guardacosta ta detene 26 Venezolanonan indocumenta

WILLEMSTAD – Diamars anochi, e unidad-
nan di Guardacosta di Caribe Hulandes, a logra
na detene 26 persona, procedente di Venezuela,
kendenan ta indocumenta y kier drenta Corsou.
Aparentemente e Venezolanonan aki sa cu ta
dificil pa drenta Aruba, ya cu e frontera ta bon
sera y ta purb awor na Corsou.

Pero na Corsou Guardacosta di Caribe Hulandes
despues di e logra detene e 26 Venezolanonan
aki, a pasa nan pa Polis di Corsou (KPC).
Tabata e Dash-8, e avion di partuya maritimo
di Guardacosta cu a detecta un boto sospechoso
parti pazuid di Oostpunt di Corsou.
Inmediatamente a pone e dos unidadnan di
Super RHIB den accion y a sali for di e punto
di sosten y cu yudanza di e Dash-8 a dirigi nan
n’e punto desea.

Tabata pa mas o menos 02.35 di madruga a
logra intercepta e boto aki na como 2 miya zuid
di Oostpunt.
Abordo tabatin un total di 26, tur di nacionali-
dad Venezolano. E boto a ser hiba p’e punto di
sosten na Parera.
Ey a baha tambe tur e personanan menciona, di
cual 17 ta hende homber y 9 ta hende muher.
Despues di a listra cada uno di nan, nan a ser
paga pa Polis pa sigui cu e investigacion.