Page 3 - AWEMAINTA
P. 3
AWEMainta Diahuebs, 6 Juli 2017 3
Despues di 6 luna sin accidente fatal
Ayera mainta Aruba a conoce su prome morto den trafico
DI acuerdo cu sra. Liliana Rasmijn, vocero suplente di
Polis, t’asina cu ayera diaranzon mainta pa 6:20 Central
di Polis ta haya un yamada cu un bus lo mester a dal un
peaton un poco mas pabao di e retonde di Drive Inn.
Na yegada di patruya policial di Sta Cruz ta bin topa
enberdad cu e accidente y na unda testigonan ta bisa cu e
meneer lo a baha for di un autobus cu tabata bay direcion
abao y a dicidi di cruza caminda sin paga tino riba trafico
y cu consecuencia cu e bus di Arubus a alcanse.
A pidi ambulance di biaha mirando cu e situacion di e pea-
ton tabata mustra hopi grave. Ambulance a yega n’e sitio
y a stabilisa e peaton y a bay cune cu urgencia hospital.
Lamentabelmente pa 7:14 am dr. Schouten a constata
morto di Johnny Anthony Forrester, naci na Aruba dia
31 october 1979 (37 aña) y biba na Savaneta.
El a bira e prome morto den trafico p’e aña aki. Trafico
a sa di comporta su mes hopi bon, sin morto e prome 6
lunanan di 2017.
Departamento di Trafico a presenta tambe n’e sitio di
e susedido pa haci nan investigacion y tambe BFTO di
Polis.
Departamento di Yudanza na Victima (Slachtofferhulp) a
presenta na hospital p’asina guia e famia den e momento
dificil aki.
Cuerpo Policial y nos di AWEMainta kier a manda pal-
abra di condolencia y hopi forsa p’e famia di e fayecido.
