Page 65 - MIN VOS 27 JULY 2015

24 AWEMainta Dialuna, 27 Juli 2015

Mientras cu preparacionnan ta
continua pa di tres rond:

AVB no lo
sigui mas
cu Giovanni
Franken como
“Bondscoach”

DEN e simannan despues di e di dos rond di «World Cup

Qualifier», Arubaanse Voetbal Bond (AVB) tabatin contacto
cu e coach di seleccion (bondscoach), Giovanni Franken, na
Hulanda. Despues di e wega na Barbados, unda Franken a
anuncia serca su team cu e kier stop, tanto e hungadonan
como Franken a haci uzo di medionan di comunicacion pa
specula si e lo keda of lo retira. Considerando e deseo di e
grupo di hungador y e continuacion y preparacionnan p’e
World Cup Qualifiers, directiva di AVB a purba di mantene
Franken. Pa medio di un “stuurgroep”, di cual Franken tabata
miembro, a habri combersacion cune tocante riba su funcion
y e preparacionnan p’e di tres rond di e fase di “knock out”.
Aruba a bin na remarke pa hunga den e di tres rond despues cu
Barbados a ricibi un sancion di FIFA. For di combersacionnan
y e ultimo intercambio di cartanan cu a sigui, ta resulta cu e
relacion entre e coach y AVB ta seriamente perturba y no tin
solucion por lo pronto. Recuperacion di e relacion a base di
respet y confiansa di tur dos banda no ta posibel,

“Esaki ta haci imposibel pa sigui padilanti hunto,” asina
Presidente di AVB, Richard Dijkhoff a indica.
“Nos como bestuur hunto cu e organisacion a purba di mehora
e relacion cu e bondscoach, sinembargo nos ta wordo ataca
cada biaha di nobo via di medionan di comunicacion. Nos no
kier tira cu lodo, pero for di e atakenan diario via di medionan
ta resulta claramente cu no tin confiansa y tampoco respet, ni
p’e organisacion, ni p’e personanan den e organisacion, cual no
ta duna oportunidad pa sigui desaroya for di un nivel amateur
pa profesional. P’esey bon comunicacion y cooperacion ta
necesario y p’esey nos como bestuur den interes di e deporte a
haci un escogencia. Finalmente nos mester tene nos mes bezig
como bond cu futbol y no cu un lucha continuo interno, esey
no ta yuda nos sali padilanti.”

Na Aruba un parti di e resto di miembronan di e staf tecnico
a cuminsa caba cu preparacionnan y training p’e di tres rond.
Diasabra e sorteo a tuma lugar p’e rond final aki di “knock out”.
Despues di esaki lo sali un yamada n’e hungadornan selecta na
Hulanda p’asina nan tambe por cuminsa cu e preparacionnan
p’e siguiente rond na cuminsamento di september.
Lamentable cu AVB no a menciona, kende lo sigui na timon
di e seleccion di Aruba.