Page 23 - WEB

Si bo ta planta, logicamente bo tin derecho pa yega na un dam, bo tin un pomp den bo

baki di pickup, bo tin un tanki blanco, bo por yega na un di e damnan mas cerca di bo

cunucu, pomp e awa, yena den tanki y bay muha plantacion y tambe si tin bestia, pa nan

bebe. Bo por yega na e damnan mas cerca, chica e awa, pone den tanki, bay na bo tereno,

duna bestia awa, muha bo plantacion. Pero ta hayando cierto kehonan pa coymento di

awa di dam. Tur esnan cu ta coy awa di dam pa pega bloki, bruha cement of laba auto, no

mag.

Di parti di Santa Rosa no tin potestad tampoco pa sanciona e hendenan aki. Ta yama

polis y si nan ta na tempo, ta yega caminda esaki ta tumando luga y nan ta haci nan

trabao. Den un otro manera, Santa Rosa no tin ningun manera pa atende cu e personanan

aki. Manera e molina di Pavia, a haya kehonan di cierto agricultornan mes cu ta bay coy

awa y nan ta mira personanan cu no ta agricultor. Nan ta yama Santa Rosa, ta yama polis

of nan mes ta bay tira un bista. A yega di sosode cierto casonan cu trucknan ta bin coy
awa di cierto compania. A bay tira bista, ta yama e compania concerni pa bisa pa no laga

trahadonan bay cos mas awa pasobra ta pa planta, ta pa agricultura, cria bestia, etc. Te

eynan por yega. Pero e parti principal ta cu den mayoria di e casonan aki ta envolvi polis

y polis ta bay haci su trabao.

Ki pasa ora topa truck di un contratista

Ora cu topa un truck di contratista of un tanki cu su tractor para eynan, esey ta nifica cu e

awa cu nan ta coy no ta pa nan. Santa Rosa tin cu prueba esey si nan ta uze nan mes of ta

transporte pa cualkier otro hende. Polis ta wordo envolvi y tin cu prueba esey, e ora ta

sanciona e persona of ta haci algo otro. Si por ehempel ta bezig ta chica awa di truck di