Page 16 - KPA 5 AUG 2015

Pagina 14 Diarazon 5 Augustus 2015

Mas control a traduci den menos arma riba caya

Polis cu accion special na San Nicolas

A detene sospechosonan cu sker, schroefdraai y droga den saco

Den un esfuerzo pa
reestablece orden den
cayanan di San Nicolas y
pariba di brug, e seccion
di patruya di districto di
San Nicolas a organiza un
accion diabierna anochi cu
participacion di polisnan
uniforma, polisnan di e
unidad K9, recherche
encarga cu seccion di
ladronicia den casnan y
algun mas. Un total di 15
Polis a sali caya pa controla.
Durante e accion cu a
cuminsa den oranan laat
di anochi y a sigui te den
oranan di madugra, a inclui
varios accion di ristramento
preventivo. Por bisa cu
durante e accion a detene
7 sospechoso, cu tabata
tin sker den nan poder,
schroefdraai y droga.
Mayoria di e sospechosonan
deteni ta caranan bon conoci
pa Polis, sea nan a cay cera
caba pa comete atraco, robo
of un di nan hasta asesinato.
E tipo di accionnan asina
den oranan di madruga tin un
efecto preventivo, den cual e
malhechornan ta consciente
cu tin presencia di Polis y
cu e chens cu lo gara nan
despues di un acto criminal
ta mas grandi. Mirando e
sospechosonan deteni y e
armanan cu a haya riba nan,
no por descarta cu un of mas
di nan lo tabata tin intencion
menos bon cu nan e anochi
ey mes. Awor nan a pasa
anochi den cel di Warda di
Polis di San Nicolas, pa nan
por reflexiona bon y saca
cualkier idea robez for di
nan cabez.