Page 5 - UTILITIES 23 JUNE 2017
P. 5
Fuel Oil ta enemigo number un di WEB
- Advertisement -
ORANJESTAD(AAN): Sin duda alguno, Fuel Oil ta e enemigo number un di WEB segun
Director Luis Oduber.
WEB Aruba NV a traha semper cu steam pa draai e turbine di vapor. A keda busca
alternativa buscando motornan Recipe. Di 2006 pa awo a baha 46% di uso di Fuel Oil.
Loke ta haciendo awo ta opera cu un sistema unda ta uza menos fuel oil. Boiler ta un
ekipo menos eficiente. WEB ta bezig finalizando pa logra drenta cu gas natural.
Na 2005/2006 a haci estudio. E tempo ey Fuel Oil tabata enemigo number uno di WEB,
manera cu a worde menciona. A haci cambionan drastico. Prome cu 2006 WEB a opera
practicamente na tur tempo riba energia di produci steam, ta draai e turbinanan di pafo
pa produci awa. Mirando e costonan cu ta subi drasticamente na e momento ey, a
busca alternativa y a introduci motornan Recipe, manera conoci y ta introduci energia
renobabel y tambe a cambia e proceso di produci awa.
Esey a resulta overall cu a haya un reduccion for di 2006 pa awor aki di casi 43% di
fuel oil menos ta worde consumi awendia. Pueblo ta puntra di con no ta haya un rebaho
di 46%. Esey ta pasobra e inversionnan tin pa worde paga y naturalmente ta sigui
inverti pa por garantisa e suministro. E ta un proceso. No ta 100% riba motor ainda.
Ainda tin boiler den servicio. Locual ta haciendo ta hunto cu Departamento Tecnico,
departamento di operacion cu enbes cu den pasado tabata opera por ehempel 7 boiler,