Page 9 - EOTECH

EcoTech
http://masnoticia.com/ya-pueblo-no-sa-unda-su-placa-ta-bay/

Ya pueblo no sa unda su placa ta bay

 Jan 28th, 2015
 Local

E gobierno di Gabinete Mike Eman a bin ta bisa cu awe un hende por wak unda su placa ta bay den proyecto pero e
27.50 aki cu ta cobra pa piki sushi unda y pakico e placa aki ta bay, pueblo no sa, segun Jose Giron di sindicato
SCCA cu ta representa su trahadornan di controlador di casino.
E union di sindicato ta un grupo preocupa pa e situacion riba pais Aruba cu ta tumando luga actualmente. Di parti di
SCCA, nan tambe ta full di acuerdo cu e parti di desobediencia pa loke ta e pago cu tin cu wordo haci sin cu e
pueblo sa. Manera politiconan ta bisa, bo sa unda bo placa ta bay pero awor aki no sa unda e ta bay pasobra ningun
splicacion a wordo duna.
Sa cu den e sistema di belasting ta inclui e parti di e servicio ey. Esaki ta un adaptacion di loke ta wordo paga caba.
Esaki tin e sindicato tolondra, pasobra e mesun politiconan cu ta gobernando actualmente, den pasado kier a
introduci 10 florin, nan a menciona esaki como un crimen contra e pueblo. Cu ta imposibel y “riba nan dead body”.
E 27,50 aki kico ta nifica pa e politiconan aki. Esaki ta mas cu 200%. E tempo aya, Aruba no tabata den un crisis y
por a biba mas miho cu por a paga 10 florin. Awo cu Aruba ta den un crisis, caminda tanto medida ta wordo poni,
unda cu nan man ta den nos cartera constantemente, unda cu tin cu lucha pa sobrebibi, esaki lo bira casi imposibel,
pa no bisa imposibel.
Segun Giron, si awe nos ta papia di un crisis, den pasado, den careda di 1985, Aruba a confronta un crisis, pero esaki
tabata pa motibo di ciere di refineria. Cu tur e medidanan cu a wordo tuma, a drenta e periodo ey, pero cu 0 debe.
No tabata tin debe mes, segun e sindicalista.
Awor ta papiando di un debe astronomico y riba dje tur e medidanan cu ta wordo tuma. Pesey SCCA ta spera cu e
organisacion aki por amplia su base unda cu mas gremio den pueblo por cuminsa pensa riba futuro di e pais aki, con
por yuda pa por sobrevivencia. Ta spera mas sindicato por duna nan participacion, pa asina por tin un base amplio,
pa por haci locual e politiconan mester a haci, guia e pais aki den un bon caminda pasobra locual ta tumando luga,