Page 20 - Solo Di Pueblo
P. 20
Pagina 20 December 2015
Autoridad a bolbe tuma curpa di Mia den beslag
A bolbe haci un investigacion riguroso, riba keho di famia di Mia.
Apesar cu na prome instante Ministerio Publico a bisa
cu lo no tin ningun sospecho cu Mia lo a wordo mata,
y cu despues di autopisa a duna e curpa liber bek na e
famianan, nos a compronde cu diamars anochi husticia
a bati bek na porta di funeraria pa bolbe pone beslag.
Segun nos por compronde cu nan a bolbe hiba e curpa
hopsital pa asina haci mas investigacion.
Manera nos por compronde a bay haci un practica
mucho mas profundo, pa asina por analisa, basa riba e
keho di famia cu Mia lo por a wordo mata.
Di acuerdo cu informacion di Solo di Pueblo, husticia
a bolbe busca e pareha di Mia, pa asina extende algun
hora mas di interogacion.
Nos a bin compronde cu husticia lo no por a topa cu
ningun prueba cu un crimen a wordo cometi.
Ariba rednan social, nos por a lesa e siguiente
informacion aki:
Apesar cu nos ta wardando e contestanan di parti
di Ministerio Publico, nos por informa cu OM a laga
reconfisca restonan mortal di e damita di 20 anja y pa
un autopsia mas amplio y detaya.
Algo si ta necesario lo mester cumpli cu ne, segun nos
a wordo informa! Un autopsia bastante mas amplio lo a
tuma lugar durante di e dia di awe pa asina kita tur duda,
pregunta y remarkenan cu por tawata tin relaciona cu
caso aki.
Tambe esnan cu lo sa mas di e caso lamentable aki a
wordo yama bek pa un combersacion mas amplio y ta
parse cu pronto OM mes lo anuncia cu e caso aki ta un
caso lamentable di suicidio ya cu tur hende invita pa
un cuerpo di recherche por a bai na cas bek cerca nan
famia y restonan mortal lo wordo debolbi na e famia.
Segun nos a compronde cu OM a dicidi di hasi esaki
pa asina cumpli cu e peticion di e familiarnan.
Awor lo mester keda enespera di e resultado final di
Ministerio Publico, cual tur cos ta mustra cu e caso aki
ta keda uno definitivo di suicidio.
Dicon Mia a dicidi pa comete lo semehante? Esaki lo
por ta sinta na e propio problemanan familiar cu e lo ta
pasando aden, esta aparentemente e sepracion di su
mayornan ?
Nos palabranan di forsa na famianan.
Club Trappers,
pa tur ocasion!
748-8280
Club ta airco,
comodo pa
cualkier evento
