Page 53 - KPA - APRIL 8,2015

Director sr. Teo Croes ta informa riba e berdad tras di e
hacking

Publication: Wednesday, 8 April 2015. Categoria: General

ORANJESTAD (AAN) – Na Arubus a tuma lugar un conferencia di prensa, diamars mainta,
relaciona cu e caso di hacking di Arubus, cu a haya hopi atencion den prensa.
E director di Arubus sr. Teo Croes, a menciona cu den prensa tabata tin diferente storia cu no ta
cuadra cu berdad.
Señor Croes a señala cu for di prome instante cu e compania a detecta kico a sosode, a tuma
contacto cu e banco cu cual Arubus ta traha y cu KPA.
Conhuntamente, e banco y Arubus a yama e banconan concerni, tanto na New York como na
Hong Kong, pa nan haci nan esfuerzo di manera cu no por saca placa for di e cuenta. Despues di
esey, informacion a wordo duna na polis local, interpol y polis di Hong Kong.
Den e investigacion cu e instancianan a realiza, Polis a detecta cu e placa ta riba e cuenta na
banco, y sr. Croes mester a bay huramenta dilanti Notario.
Pa Arubus haya e placa bek a tuma mas tempo cu locual abogadonan y polis na Hong Kong a
calcula. Polis na Hong Kong a haci su trabao y a para e asunto cu ningun hende por a retira e
placa.
Un trabao lihe di e banco concerni y Arubus por a preveni pa e placa wordo lanta, segun sr. Teo
Croes a enfatiza.
Tin algun gasto envolvi cu Arubus ta bezig cune hunto cu e banco y e compania di seguro,
director di Arubus a señala.
El a subraya cu esaki practicamente ta e historia tras di e hacking.
Sr. Croes a indica, contestando preguntanan di prensa, cu e tambe tin tur e documentacion
tocante e fechanan cu a cambia, cu ta loke e compania a haya for di abogado y Corte di Hong