Page 6 - MIN JUS 2 NOV 2015

Dialuna 2 November 2015 Pagina 17

2 November 2015

Mike Eman un vez mas ta confirma cu e ta un
un Ego-tripper y ta sufri di Celebrity syndrome

A paga Bill Clinton miles di dollars pa manda un saludo pa Mike via video

Via di facebook di e Ego-tripper Mike Eman, un vez mas por confirma
su necesidad pa ta rondona di hendenan popular. No ta for di awor cu
nos a constata e problema mental aki cu ta resalta di Mike Eman, pero
poco poco e ta birando mas y mas bisto, con tur e placa di Aruba ta
wordo gasta pa solamente Bill Clinton manda un saludo pa Mike.

Tur cos ta mustra cu a manda un speech cu a wordo traha di antemano,
unda cu Bill Clinton hasta mester a gradici Elmar, WEB y Utilities pa a
cuibri miles di dollars cu el’a cobra pa graba e speech.

Aki un vez mas nos ta mira cu no tin final di locura di Partido AVP y Mike
Eman kende kier haci su mes un persona estelar, cu constantemente
tin cu asocia su mes cu hendenan famoso.

Den e video, Bill Clinton ta adora Mike Eman, pero loke Bill Clinton no
sa ta e hecho cu Aruba tin un Mega Debe, crea pa Mike Eman.

Ta yega ora cu mester bay pone Bill Clinton na altura, cu su idiotez no
ta wordo aprecia aki na Aruba, pasobra ta cu placa di pueblo a pague
pe por a manda un speech pa adora Mike Eman.

Lo mester informa Bill Clinton si e sa cuanto debe nos pais tin y cu e
consecuencia di esaki ta nada otro cu un subida drastico di costo di
bida. Un vez mas por confirma cu Mike Eman ta un loco demente, ego
tripper cu ta sufri di “Celebrity Syndrome”.

Storing grandi di Elmar
a laga hopi bario sin
coriente

Diadomingo merdia masha hopi bario a keda sin coriente. Nos
redaccion a haci poco investigacion y a bin resulta cu e problema ta
sinta na Elmar, unda cu a presenta un storing grandi.

Barionan cu a keda sin coriente ta Pos Chikito, parti di Sta. Cruz, Meiveld,
Dakota y varios otro bario mas.

Na dado momento varios radio emisora tabata for di aire, debi cu coriente
a cay afor na Hooiberg, unda mas di 8 emisora di radio tin nan zender.

Elmar a bay over na manda yama varios tecnico pa nan presenta na
trabao pa asina nan por a bay investiga unda e problema ta sinta. Den
ora di diadomingo mas tempran a sosode tambe un accidente, banda di
ex-Albo, unda cu dos palo di luz di Elmar a wordo benta abao.

Muy probablemente esaki tambe lo por a causa henter e storing aki riba
red di Elmar.

Un caso ta sigur, cu e baymento di coriente a cuminza bira cada rato y
hopi hende a cuminza bira poco disgusta cu e situacion.

Ta spera cu gerencia di Elmar y Web lo por bini afor, y bin splica pueblo
kico ta pasando.