Page 78 - MIN.VOS APRIL 23,2015

Aki dos luna hospital Horacio Oduber tin su
director nobo

Posted on 04/23/2015 11:08 am AST | Updated on 04/23/2015 11:11 am AST

ORANJESTAD – Aki dos luna, hospital Horacio Oduber tin su director general nobo. Y
for di informacion cu NoticiaCla.com tin, actual minister di husticia Arthur Dowers no ta
un candidato pa e funcion. Despues cu e periodo di solicitud a sera pa e funcion, a resulta
cu e mandatario no a solicita. Segun director interino Ezzard Cillie, e no por a confirma
esaki y a bisa solamente ‘Bo sa mas cumi”. For di fuentenan fidedigno di NoticiaCla.com,
tin informacion cu mas di 10 persona a solicita pa e funcion, di cual tin di Aruba y di
exterior.

DOWERS COMO CANDIDATO

Loke ta hala atencion ta cu no obstante e pensamento inicial cu e mandatario di husticia e biaha
aki si lo a solicita, a resulta cu e la opta na ultimo momento pa toch no tuma e reto aki. E
mandatario no a reacciona riba pregunta aki, ora aserca pa NoticiaCla.com. For di fuentenan
serca di e proceso, a compronde cu e lo tabata un bon candidato, pero cu e no a solicita y como
tal no ta den e ‘contienda’ pa e funcion. “E tin tur e preparacion necesario pa e funcion”, e
comentario tabata. Den pasado caba a menciona su nomber, pero e tempo ey e la descarta e
informacion mesora indicando cu e la recien cuminsa cu su funcion como minister. E di dos
oportunidad, e mandatario tabata mas habri pa e posibilidad. Sinembargo e la mustra na e
occasion awor, cu ‘si tin un bon oferta, e lo evalua esaki seriamente’. Pero awor ta resulta cu e la
opta pues pa no tuma e reto y continua cu su funcion di minister di husticia.

SCRUTINA

Esaki no ta kita afo cu e persona cu wordo selecciona, lo wordo scrutina di tal forma pa garantisa
cu e ta capabel pa e funcion pisa aki. E informacion cu tin, ta cu ta procesando e candidatonan y