Page 179 - SAIL ARUBA 2015 & Royal Visit

Awenochi Rey Willem-Alexander y Reina Máxima ta yega
Aruba

Thursday, 30 April 2015 09:35

Diahuebs algo prome cu 10or di anochi Su Mahestad Rey Willem-Alexander y Reina Máxima ta yega
Aruba riba vuelo charter di InselAir Aruba. E pareha real lo tin dos dia yena cu actividadnan pa celebra
hunto cu Aruba e 200 aña di existencia di Reino.
Riba prome di Mei nan lo bishita e "ambtswoning" of miho conosi como e Cas di Gobernador (nobo) den
Maria Christinastraat. Esaki lo tuma lugar pa 9:30 or di mainta. Pueblo ta invita pa duna nos
monarcanan un caluroso bon bini. Ta recomenda pa yega un mey ora prome asina por haya suficiente
tempo pa busca lugar di para auto. Despues e pareha lo yega na Waf di Playa pa experencia Sail Aruba.
Pa 11or di mainta nan lo ta presente pa habri e evento aki. E Pareha Real lo keda te 3or di atardi na Sail y
lo admira e differente barconan. E show di Marina Real riba lama pero tambe come cuminda di lama.
Anochi 7:45 e dia lo culmina cu e musical Soldaat van Oranje. Dia 2 di mei pareha lo presencia un
programma priva y lo dispidi di Auba pa 1:30 di atardi.

http://www.24ora.com/local-mainmenu-5/94657-awenochi-rey-willem-alexander-y-reina-maxima-
ta-yega-aruba

Gobernador Renfunjol: “E ta un oportunidad unico pa mira e
celebracion di 200 aña di Reino Hulandes di e forma aki”

Thursday, 30 April 2015 09:16

Su Excelencia Gobernador Fredis Refunjol, a haci un invitacion na henter pueblo di Aruba pa bishita e
evento di Sail Aruba, cual ta tuma luga e fin di siman aki den haf di Oranjestad.
Na aña 2013 a cuminsa cu e celebracionnan di 200 aña di existencia di Reino Hulandes y a combina e
celebracion di 350 aña di Marina Real den e evento na Aruba cu a haya e nomber di Sail Aruba. “Como
parti di Reino nos ta haya importante toch pa pone atencion na e celebracion aki; ya cu e hecho di
pertenece na un Reino grandi ta duna nos garantia y beneficionan. Asina nos ta wordo representa door di
un potencia, manera Hulanda, cu tin hopi influencia. Haciendo uzo di Embahadanan Hulandes por duna
nos hopi mas beneficio .... Pesey pa celebra 200 aña ta bon pa para un rato keto y refleha riba esaki,”
Gobernador Freddy Refunjol a expresa.