Page 187 - SAIL ARUBA 2015 & Royal Visit

hopi hende envolvi y Jossy Figaroa a gradici ttur cu a traha pa por tin algo asina bunita den otro.
Reaccion di e diferente invitadonan pa loke ta e evento tabta hopi positivo, nan a bisa Sr. Figaroa cu nan ta
contento, cu ta impresionante con e waf ta mustra, cu e ta bon prepara y cu nan ta cana trankilo riba nos waf.
“Mi ta wak tur ta hari, tur ta contento y esey ta bon pa Aruba. Nos mester keda presenta Aruba como producto
pa turismo, pero ora hendenan wak cu nan por cana riba nos waf y cana trankilo, pa nos e ta un señal cu ta
bon y ta e caminda cu nos tin gana di bay”.
Jossy Figaroa tambe a expresa cu Rey Willem Alexander ta hopi bon na altura di e desaroyonan cu ta bay
tuma lugar na nos wafnan y a bisa director di APA cu e kier tende mas for di dje riba e plannan aki

http://www.24ora.com/local-mainmenu-5/94704-jossy-figaroa-por-sinti-cu-rey-ta-contento-di-ta-na-aruba-y-riba-waf

Rey Willem-Alexander a bishita Cas di Gobernador

Friday, 01 May 2015 20:17

Den e bishita di un dia cu Rey Willem-Alexander a realisa na Aruba den compania di su esposa Reina
Máxima, Minister di Asuntonan di Interior Ronald Plasterk y Presidente Comision Celebracion 200 aña di
Reino Ank Bijleveld, a incorpora tambe un bishita na e Cas di Gobernador, unda cu e trabounan di
renobacion y restauracion ta practicamente cla.
Na yegada di e Pareha Real, tabatin un multitud di hende sperando riba L.G. Smith Blvd, dilanti e Bahia di
Gobernador unda cu tabatin competencia di boto miniatura organisa riba e dia aki. Varios Grupo di Scout a
dorna e entrada pa e Pareha Real pasa nan dilanti prome cu drenta e Cas di Gobernador. Reina Máxima a
ricibi un bunita areglo floral for di un mucha muhe chikito. E delegacion a keda basta rato paden unda cu a
admira e beyesa di Cas di Gobernador. Por a nota e amor cu habitantenan di Aruba tin pa Famia Real,
acudiendo na cantidad grandi for di oranan tempran di mainta, sea riba L.G. Smith Blvd pa ricibi nan of
den haf di Oranjestad, unda cu nan a haya un splicacion di loke tabata tumando luga eyriba.
Rey Willem-Alexander y su esposa Reina Máxima a ricibi invitacion di Gobernador sr. Fredis Refunjol,
representante di Rey na Aruba, pa realisa apertura di Sail Aruba. E evento aki a wordo organisa den cuadro
di 200 aña di existencia di Reino Hulandes y 350 aña di Marina Real.