Page 16 - MIN JUS APRIL 7 , 2015

AWEMainta Diamars, 7 April 2015 3

Aruba a conoce su di 4 morto tragico

Centralista di Cuerpo Policial,
Andre Solagnier a perde control

TABATA diadomingo manece dialuna al-

rededor di 12:30am cu a drenta un yamada
na Central di Polis di un accidente serio
cu motorcycle na altura di Any Time na
Paradera. E prome patruya pa yega n’e sitio
a confirma cu e condicion di e victima ta
mustra hopi serio y a solicita un ambulance
cu maximo urgencia.
Lamentablemente na yegada di e Paramedi-
conan abordo di ambulance a constata cu e
victima no tabata dunando señal di bida mas
y pa 12:50am, dokter Samuels a presenta
n’e sitio y a constata morto di e motociclista
Andre Eucene Solagnier, naci na Aruba dia
9 di april 1968, pues e siman aki lo a cumpli
47 aña di edad.

Departamento di Trafico di Polis ta inves-
tigando e caso riba su mes, den cual ta
sospecha cu e motociclista a perde control
riba su vehiculo, cu consecuencia cu el a
baha caminda bay dal den un cura di cas. E
impacto tabata asina fuerte cu e victima no
a sobrevivi tur e sla nan ricibi.
Cu esaki nos ta conta caba e di 4 caso di
morto den trafico riba nos isla, di cual 2
tabata riba un motorcycle.
A registra e prome accidente fatal e aña aki
riba diadomingo 1 di februari 2014 pa mas
o menos 4:30am na altura di Kazerne di
Brandweer na Sabana Berde. Aki un mo-
tociclista hoben di apenas 17 aña di edad
a fayece.

E di dos accidente fatal a tuma lugar dia-
bierna 13 di maart ultimo pa mas o menos
7:00pm na Spaans Lagoen, ora un auto a
alcansa un hobencita di apenas 12 aña di
edad cu tabata hungando riba caminda.
Pa su mañan 14 di maart el a fayece den
oranan di merdia na Hospital. A raporta e di
tres caso diasabra 28 di maart pa mas o me-
nos 4:00pm riba e caminda di Shete bayendo
Conchi. Un jeep a bolter y un turista naci na
Filipina a fayece. Y awor e di 4 caso a keda
registra dialuna marduga, den cual e mo-
tociclista Andre Solagnier a perde su bida.

Cuerpo Policial Aruba y nos di AWEMainta
ta manda palabranan di condolencia na
famia di e fayecido, cu pa colmo ta un miem-
bro tambe di e Cuerpo di Polis.