Page 5 - WEB

Energia sostenibel ta hopi importante pa Gobierno di Corsou

Tuesday, 13 June 2017 19:51
Comparti

Energia sostenibel ta un otro capitulo importante pa Gobierno di Corsou. Segun Minister
Steven Martina, un di e aperturanan ta energia solar.

Nan ta bin cu proyecto pa esaki. Pa e parti di biento nan ta hopi avansa. E penetracion di
biento den e utilidad di energia ta bastante halto. Tambe nan ta busca otro formanan
innovativo pa energia sostenibel.

Tin naturalmente e oportunidad di Gas. Esey ta bay yuda, segun Martina, riba e impacto di
medio ambiente, cual lo ta mucho mas menos cu e curdo cual nan ta uzando awor aki. Tambe
nan ta sigui e diferente desaroyonan riba tereno di energia pa di tal forma e tecnologianan cu
ta aplicabel y factibel, mesora cuminsa haci uzo di nan.

Cooperacion Corsou y Venezuela

Martima a sigui splica cu tur diferente oportunidad di un liña di gas a wordo discuti. Unda e ta
cu na e momentonan aki no a concretisa ainda. Esey ta nifica cu mester sigui studia y analisa
nan. Locual si ta basta concreto na e momentonan aki ta proyecto di LNG Gas cu ta bin via
barco y establece na Corsou. Esey ta hopi concreto, pasobra esey ta bay bira un di e weso di
lombanan di e modernisacion di e refineria of e refineria nobo cu ta studiando.
Disponibilidad di gas ta bay bira algo real na Corsou via di barco y ta pone e tankinan necesario
na Corsou y oportunidad pa distribui tambe y nan mes uzo di gas. Naturalmente si tin
oportunidad via di un liña cu ta bin for di Venezuela, via Aruba/Corsou, semper bay lo ta
interesa den dje.

Refineria

E refineria na e momentonan aki ta di Corsou, pero e ta wordo opera pa PDVSA. E contract ey
ta vence na fin di 2018. Na e momentonan aki ta negoshando cu un grupo Chines cual nan tin
cu tuma over per 1/1/2019.

PDVSA no lo sigui imas
Awor aki tin combersacionnan andando pa wak con y di ki forma PDVSA toch por hunga un rol