Page 27 - FUNDASHON LOTTO PA DEPORTE
P. 27
Aruba Bank ta sostene deporte, pa es motibo aki a dicidi pa duna Crossfit Eximious 462 e
sosten necesario.
E deporte di Crossfit a bira un trend riba nos isla, na unda por mira atletanan di tur edad
ta participa na e diferente box nan di Crossfit ariba nos isla. Varios empleado di Aruba
Bank tambe ta practica e deporte aki.
Tur aña e Crossfit Open ta un forma pa bo por qualifica ariba nivel internacional den e
deporte di Crossfit. E CrossFit Open Internacionalmente ta cuminsa dia 22 di Februari y
lo dura 5 siman cual lo termina dia 26 di Maart. Crossfit Eximious 462 lo tene e
competencia aki unda atletanan lo mester completa e workout di 5 siman largo, despues
ta sigui na entrega nan score nan, pa asina por wordo registra riba e ranking internacional.
Na final di e Crossfit Open, e atletanan mas fit lo pasa p’e siguiente etapa.
Aruba Bank ta orguyoso di por aporta den deporte y yuda atletanan sigui crece. Aruba
Bank ta desea Crossfit Eximious 462 exito cu e competencia di Crossfit Open 2018.
