Page 3 - AWEMAINTA

Diasabra, 26 Mei 2018 AWEMainta 3

Na AMC Unicon

Trahadonan preocupa cu gerencia no ta cumpli cu Protocol a bay den accion

DIABIERNA mainta trahadonan di e
compania AMC Unicon a dicidi di tene

un walk-out cu apoyo di sindicato STA

pa mustra nan malcontento cu cierto
desaroyonan den e compania.

E grupo cu a tene e acción tabata di

e sección di mantencion, servicio y
reparacion y e motibo ta cu nan ta sinti

cu gerencia no ta mantene nan mes na

un Protocol cu a wordo firma seis luna
pasa, pa sinta na mesa pa evalua cierto

situacionnan.
Un di nan preocupacionnan ta e cantina

di persona cu no ta adecuado. A haci

un promesa pa drecha esaki, pero no
a mira ningun cambio. Tin bonus pa

cero porciento di ausentismo cu no a
wordo paga desde cu e protocol a wordo

firma. Pero tin mas punto, cu ta yega na

n total di 12, cu ta aparece riba e lista
di preocupacion cu a wordo manda pa

gerencia di AMC Unicon.

E aspecto di siguridad ta hunga un rol
importante pa e empleadonan y esey

ta e motibo cu nan a señala como un

di nan puntonan autonan cu no ta den
bon estado debi na falta di mantencion.

A pidi pa un Gevaren Premie, door di e
voltahe halto di coriente cu nan ta traha

cun'e, pero tampoco no a haya esaki te

cu awo.
Prome cu nan a bay den accion a informa

gerencia di esaki y e motibonan pakico
di e accion aki pa e cumpli cu e reglanan.

STA ta spera riba reaccion di gerencia y si

no tende nada tin e opcion di intensifica
e accionnan of ta busca intermediacion

di Mediador di Gobierno.

E representante di e trahadonan a bisa

cu solamente ta pidi pa cumpli cu loke

cu a keda palabra den e Protocol seis
luna pasa.