Page 33 - AWEMAINTA

Diasabra, 26 Mei 2018 AWEMainta 33

Corsou

Djaluna awor 8’or di mainta lo

tin manifestashon masal di Sitek

WILLEMSTAD - Banda dje problemanan
monumental ku tin ne momentonan aki en-

torno di FEFFIK, presidente di SITEK, sr.
Darius “Lio” Plantijn a tuma su tempu pa

referi e lei di oumento di seguro ku 13% i a
pidi gobiernu pa revoká e lei aki.

Meskos konseho di Minister mester revoká
tambe desishon di konseho di Minister pa

sera i eliminá FEFFIK.
Gobiernu mester hala e desishon funesto aki

aden i sinta papia ku SITEK.
Kòrsou no meresé ku nos mes ta stroba nos

yunan di yega na un fishi i bira hòmber i
muhé ehemplar den nos komunidat.

Segun presidente di SITEK, mas trahadó di
fishi Kòrsou tin, menos sèn ta sali foi pais.

Ta e asuntunan aki nan kier a papia ayera ku
Minister di enseñansa pero pa nan desepshon,

Minister di Enseñansa no a invitá direktiva di
SITEK.

E pregunta awor ta surgi, segun Plantijn, si
tabata trata un skol HAVO òf VWO, lo a bin

ku mesun proposishon pa ser’e…?
Gobièrnu tei pa un grupo selekto òf gobièrnu

tei pa sirbi hinter nos komunidat?
Ta nifiká atrobe ku esaki ta duna mas forsa

pa hinter Kòrsou partisipá djaluna awor 28
di mei, foi 8’or di mainta na manifestashon

pa demostrá kontra i rechasá e desishon di
gobièrnu pa sera FEFFIK. Tur siudadano ku ta

konvensí ku FEFFIK mester keda, por firma.
Pues finalisando, presidente di SITEK ta spe-

ra tur trahadó den edukashon i hinter Kòrsou
djaluna awor, mainta, dilanti di portanan di

FEFFIK na Brievengat.