Page 54 - FLIP KPA

Bonifacius, tin dos of tres klas cu chollernan a pega candela.
Recientemente a logra cu Serlimar pa pone baki grandi, pa asina trahadornan di DOW por duna City Inspector un
man cu e limpiesa pafo. E siman aki lo bay cuminsa pa haci limpi paden pa despues claba e portanan pa preveni cu e
adictonan por drenta den e luganan pa nan haci mas daño rond di area di scol.
E edificio di Rosa College lo bay wordo traha riba dje, segun Gomes. E edificio di Frere Bonifacius ta bezig hunto
cu SKOA, cu ta mantene e edificio, cera esaki completamente, Gomes a splica. Tin hopi trabao cu tin cu wordo haci,
chikito y grandi, segun Gomes.
Den e dianan aki di Carnaval, City Inspector a duna lezing na scol. Mientras tanto riba e rutanan a manda patruya,
asistiendo polis pa final di e parada hunto cu Serlimar. City Inspector lo sigui patruya durante e otro paradanan.
Falta dos siman ainda pa Carnaval caba y City Inspector ta keda atento pa cualkier problema cu tin riba sushedad,
sea durante e temporada aki y tur e otro dianan di aña.

http://masnoticia.com/auto-hit-run-palo-di-luz-completo-na-rooi-afo/

Auto a hit & run palo di luz completo na Rooi Afo

 Feb 2nd, 2015
 Policial

Habitantenan di Rooi Afo den fin di siman den oranan di marduga a scucha un desordo basta duro mes y a wak con
un auto a ranca palo di luz. Pero e auto mes no a keda na e sitio y e chauffeur a bandona e sitio lagando un palo di
luz kibra y wayanan ta colga riba caminda. Debi cu e situacion tabata uno peligroso Polis a keda na e sitiopero
Elmar a presenta na e sitio pa mira e situacion y manda su trucknan. E bisindario tabatin coriente ainda debi cu e
wayanan a keda wanta na otro pero tabata colga riba caminda. Elmar a sa di drecha e situacion aki y pone un palo di
luz nobo.