Page 6 - MIN ON_Neat
P. 6
MINISTER DI ENSEÑANSA Y MANEHO DI
FAMIA, MICHELLE HOOYBOER-WINKLAAR
ARUBA Y HULANDA A FIRMA PROTOCOL DI
IGUALDAD PA HENDE MUHE Y LGBT
20/06/2017 Admin Uncategorized Leave a comment
ORANJESTAD, Aruba: Riba dia 19 di Juni 2017 Minister di Enseñansa Michelle
Hooyboer-Winklaar hunto cu Minister Jet Bussemaker, Minister di Enseñansa,
Cultura y Ciencia a firma un acuerdo/convenio cu meta pa mehora e posicion di
hende muhe na ambos pais den Reino. E convenio ta stipula diferente area di
enfoke cu ta cuadra cu diferente tratado internacional firma door di Reino
Hulandes incluso Convention on the Elimination of Discrimination Against Women
(CEDAW) y Universal Declaration of Human Rights (UDHR) door di pone enfasis
riba di combati discriminacion, violencia y intimidacion contra hende muhe y
esunnan den e comunidad LGBT.
E convenio aki ta stipula diferente area cu ambos Ministerio lo intercambia y
traha a base di dato existente of estudionan cu lo desea di haci. Algun area cu ta
specifica den e tratado ta e aspecto di igualdad den mercado laboral, eliminacion
di intimidacion sexual na trabou, reduccion di embaraso hubenil y amplia
aceptacion social y elimina discriminacion y violencia pa esunnan den comunidad
LGBT.
“Mi ta sumamente contento cu nos por a concretisa e protocol aki, cu ta sirbi
como un base pa sigui traha y colabora cu Hulanda riba diferente aspecto
importante di hende muhe. Esaki ta nos compromiso no solamente cu Nacionnan
Uni, cu e comision cu ta traha riba derechonan di hende muhe, pero tambe un
compromiso cu tur hende muhe den nos comunidad pa nos por sigui mehora
diferente aspecto cu por afecta cualkier hende muhe den nan bida. Mi ta
contento tambe cu nos ta inclui e trabou cu nos tin cu haci como un pais pa
enfrenta discriminacion cu ta tumando luga contra esunnan den e comunidad
LBGT”, asina Minister Hooyboer-Winklaar a duna di conoce despues di a firma.