Page 33 - KPA

Habitantenan di Tanki Flip a rabia y a sali afo
protesta contra e minister president y su
malgobierno gañado

15 HORA PASA , 28 DI MEI 2015 10:10

SECCION: INCIDENTE

Diahuebs mainta minister president tabata cana den e bario di Tanki Flip pero
promer cu esey a laga pick-upnan cu ta haci limpi bini na granel y cuminza haci
(parti di e bario) limpi y a laga pone e bus di salud tambe eybanda pa asina e pasa
broma y sigui engaña e pueblo mescos cu ora ela bisa elimina BBO (prome cu
eleccion) y awor e pueblo ta haya e golpi den su body cu mas medida y hisa e
BBO. Pero e habitantenan cu no a laga e minister president ni su secuasesnan
(manera carpata pega riba e cacho) pega na e minister ta pasa na e casnan anto na e
casnan cu nan no accepta e bishita nan ta ofende e hendenan cu palabranan menos
bunita a dicidi di sali bay tras di e grupo ey pa nan no intimida e otro bisiñanan di e
bario. Na un dado momento e contraste tabata cu e minister cu tabata cana cu un
grupo (paga cu placa di pueblo) cu ni 2% ta biba na Tanki Flip mientras e otro
grupo tabata tin casi mesun cantidad di hende y 94% ta di Tanki Flip y esaki a
pone e grupo di e minister president tembla cu a recuri na yama polis pa e otro
grupo. Polis como un bon profesional a atende e asunto y a keda vigila e situacion
ya cu e medidanan ta dal nan tambe basta duro den nan cartera y pesey
aparentemente lo pone nan a permiti e grupo sigui manifesta aunke sin permiso.